انا دوووم اسمع عن خوار العين الغاوي .. الكل يمدحه ماشاءالله
كل عيد أخور ف ابوظبي ودبي ..
وهالعيد خاطري افصل ف العين .. بس للأسف ما اعرف مكان ف العين غير حديقة الحيوانات وجامعة الامارات …. خخخخخخخخ
اتمنى من الغاليات اللي ساكنات ف العين يعطوني اسامي الخياييط واماكنهم والمناطق بعد .. واسامي الشوارع إذا موجوده …
وهل موجود عندكم ف العين مراكز حق الخامات ؟؟؟ ووين أماكنهم ؟؟؟!!!..
وما أدري إذا الخياييط تكون أكثر من واحد ف نفس المكان؟؟؟ نفس شارع المطار ف بوظبي !!!
ومشكورات ….
وبالنسبه للقماش فالسوق بعد متمعين كلهم يمب بعض ..
ان شاء الله اكون فدتج والسموحه
الغالية بتلقين تجمع كبير للخامات في شارع الجوازات القديم
خلف سيتي بلازا اللي بشارع خليفة عند شركة ك أم ،،،
وخاماتهم روعة واسعارهم حلوة
بالنسبة للمخاوير انا ماانصحج بمخاوير العين
لانها تكون جديمة ومخاوير الشارجة ايدد منها واحلى
والاسعار مرتفعة وانتي ورايج
وموقعهم في المويجعي جريب من كلية الخوارزمي
والسموحة
زاخر
سامر في مريجب …. خياط الوفاء .. عدال سوبرماركت الواحه عند دوار الجبل ..
وخياط الامم …
ومحل القطع الغاوي … البستان في مريجب ^_^