طليقي يبيني بالسر والخطاب مادري افرح والا احزن

( القصه طويله معليش تحملوني بليز واقروها للاخر بس ابحاول اختصر )
قصتي والاحداث اللي تصير معي بتجنني كل فترة تزيد حيرتي والسيناريو ينعاد من سنه ليومنا هذا
بالبداية تخرجت من الجامعه وبديت افكر بموضوع الزواج حالي حال أي بنت تحلم بهالشيء ماأنكر انه الحمدلله تقدمولي خطاب بس ماكان فيه نصيب كنت اطمح للافضل من جميع النواحي لين ماصارت الفرص تقل بالزواج وتأخر موضوع زواجي ومافقدت الامل ولزمت القيام والدعاء والاستغفار والحمدلله لين جا ذاك اليوم تعرفت ع شاب خليجي والله العالم ان علاقتنا كانت شريفه وماكلمته إلا عقب ماتأكدت من رغبة بالزواج وهذا اللي صار مع العلم انه مطلق وعنده عيال عند امهم تزوجت بالشخص اللي احبه ويموت فيني وكانت اجمل ايام حياتي مع انه بدوله ثانيه مب ديرتي استمرينا لمدة سنه واخر هالسنه بدت المشاكل طبعا من طليقته صارت تستعطفه عن طريق العيال وكل دقيقه اتصالات من عياله بابا وينك نبي نشوفك لا واللي يقوله انا تعبان ابا اشوفك الحين من هالكلام وكل شوي رايح راد ماقدرت اتحمل صرت اقعدله ع كل طلعه تحقيق باليوم يمكن 5 او 6 مرات خناقه لا واخر شي صارت المكالمات بينه وبين طليقته ويقفل ع نفسه ويقول لاتتضايقين تكلمني بخصوص العيال طيب ليش يقفل الباب لين ماحسيت انه بدا يحن لها ولمح لي اكثر من مره وانا اشيل بداخلي وساكته اخرتها انفجرت وماقدرت اتحمل دقيقه وحده ع طول سافرت لهلي وطلبت منه اني اقعد عندهم فتره ارتاح من هالمشاكل لمدة شهرين وبعدها فكرت وقررت اتطلق منه صليت استخاره وتطلقت وانا مو مصدقه حت هو بس انا اصريت ع موقفي وافترقنا وحسيت بالموت عقبها والكل مستغرب شلون تطلقتو انتم تحبون بعض وينضرب بكم المثل بالحب بهالعايله وحسيت اني تسرعت وتندمت ع هالقرار والله يانا شفت المووووت كرهت الدنيا وماكذب لو قلت حاولت انتحر ماتخيلت حياتي بدونه ابد ابد وهو نفس الشي كان يتصل فيني ويبكي مع انه شديد وقوي الشخصيه وعمره بحياته ماقد بكى في اقسى الظروف اول مره يبكي بهالطريقه وحاول انه نرجع لبعض بس انا كنت اكابر وزعلت قلت شلون هنت عليه وطلقني قمت احمله الخطء مع انه انا اللي طالبة الطلاق واخريوم بالعده كلمني خل نرجع ووافقت بس بعد كذا ابوي رفض قال ليش من الاول طلبتي الطلاق وهو ماقصر ع طول طلق هو تضايق شلون ابوي يرده وقال اتمنى لج التوفيق قلتله وياك وافترقنا ماعاد صارت بيننا اتصالات لمده شهرين عقبها ماقدر رد واتصل نبي نرد حق بعض ع طووو ل وافقت و كلم ابوي وافق بس وش المشكله هو مركزه حساس ونظامهم خاصة بالقطاع اللي هو يشتغل فيه غير مسموح انه يتزوج من غير جنسيته الا مره وحده حتى لو خليجيه وحاول فابوي ان زواجنا يكون عن طريق مأذون بدون المحكمة لكن ابوي رفض وافترقنا مره ثانيه لمده شهرين تقريبا
للحديث بقيه ,,,

ننتظر البقيهـ بعون الله تعالى …