طوارئ مستشفى الوصل ممكن يدخلوني وقت المخاض؟

بنات انا في ولادتي الاولى ربيت في مستشفى الوصل .. بس ها المرة مافتحت ملف عندهم (وانا متندمة) لان الناس نصحوني في دكتورة تولد في الخاص وانا اتابع عندها..

لكن ماارتاح لها لانها كل مرة تطلعلي شي وتخوفني لا وشو الحينه طالعة اجازة كمن اسبوع وانا بدخل شهري التاسع !!

واحس اني بولد قريب .. فسؤالي هو هل ممكن يولدوني الوصل اذا سرت الطوارئ في وقت المخاض؟
منو ولدوها وهي مب فاتحة ملف عندهم وشو الاجراءات؟ وهل بيقبلوني؟

في ولادتي بالبجر كنت اراجع عند دكتوره خاصه وكنت ناويه اربي عندها في عيادتها(خبله تراني) ومافتحت ملف في الوصل…المهم سرت عندها وماقدرت تولدني وشالوني في الاسعاف لمستشفى الوصل واستقبلوني بالغصب وتموا يلوموني ليش سرت عياده خاصه.
نصيحتي لج اتلاحقي عمرج وسيري اليوم قبل باجر…حتى لو سرتي الطواري وقلتي بطني يعورني ابا اطمن على البيبي وبالمره بتفتحين الملف…والله يسهل عليج ان شاء الله.

والله الافضل انج تتلاحقين بعمرج وتفتحين ملف …

لو حطيتي في بالج انهم بيولدونج .. وقت الولادة رفضوووا شو بتسوييين

الله يقومج بالسلامة …

وايد تاخرتي ما اظنهم بيفتحون لج ملف الحين!

للاسف سرت لهم اول الثامن وصدق كان فيا وجع بس قالولي مايقدرون يفتحون لي ملف وكان لازم اراجع عندهم من الشهر الرابع.

بس اذا ولادة واضطريت اسير لهم بيولدوني ولا؟؟