طول الفتره بين الملجه و العرس

السلام عليكم
خواتي بغيت اسالكم
موضوعي اني ملجت من جريب
و للاسف العرس راح يتاخر وايد،يعني بكون بعد 10شهور،خلال هالفتره انا سمعت انهاتستوي مشاكل و فعلا لاحظت اشياء بسيطه و مواقف زعل تستوي لاتفه الاسباب

السوال هو

كيف اتصرف خلال هالمده ؟
يعني اخليه يزورني وايد و لا لازم تكون زياراته قليله؟
و هل هالشي باثر علينا من ناحيه الاهتمام و الشوق و؟ يعني كلما زارني اكثر كان احسن و العكس صحيح ؟

هو شخصيه انه انسان طيب متفاهم بس بارد و لا مبالي

والليعندها افكار و نصاىح يالليت انها تقولها عشان نستفيد
و مشكورين

الله يوفقج ويسعدج

عادي اختي غيرج يكملون مالجين سنه كامله
وفي اللي 6 شهور وشي اللي 3 شهور
بس انتي استغلي هالفتره بأنج تتعرفين اكثر
ع ريلج وتخلينه يعرف شخصيتج يعني لا
تتهربين منه بس عشان تتجنبين المشاكل لانه
لو تجنبتيها الحينه بتواجهينها عقب العرس
ف حلو لو صارت مشاكل خفيفه وزعل وعتب
وتاخذون ع بعض ف هالفتره بس حاسبي
وحطي ف بالج انه الزواج مب قصه حب كلها
كلام حلو وغزل، خذيها قاعده اي شي يصير
بينكم او ف حياتج بشكل عام انج تتناقشين
وتتفاهمين وتشوفين سبب المشكله وتحلينها
لا تخلين المشاكل تتراكم او انج تتغاضين عن
بعض الاشيا بحكم انكم ف فتره الملجه لانه
هاي فرصتكم تتقربون من بعض، وبالنسبه
للزيارات ع حسب ودامه بارد عطيه شهر
وشوفي اسلوبه وطبعه وهو متى يفكر يزورج
اذا عيبج جدوله تمي عليه واذا لا دايما
خذيه بالكلام الحلو وناقشيه بخصوص الزيارات
ولا تسمعين لكل حد الحينه انتي لج حياتج الخاصه
وها ريلج وانتي اللي بتكونين ادرى فيه اكثر عن
اللي ينصحونج والله يتمم لج ع خير يارب

مبروك يالغاليه واسأل الله انه يتتم أموركم ع خير
مادري شو انصحج اقولج لاتشوفينه وايد بعدين بيقول هذه معقده
صدقيني هالرياييل ماينعرف لهم
من صوبي عرسي تم بعد شهر من الملجه وكانت فتره قصيره قضيتها في الأسواق والتجهيزات
أتمنى خواتي يفيدونج
انصحج ماتحكمين عليه خلال هالفتره بالعكس حاولي انج تتعودين عليه وإذا حصلت اشياء ماتعجبج فيه زينيها ف عيونج لان تترياج الأيام الحقيقيه الي كل واحد فيكم يعرف الثاني صح
الله يوفقج

احلام نقطة مهمة وايد وايد ذكرتيها
لاااااا تحكمين عالريال من ايام الملجة
انا عني وايد وايد صفات كنت اشوفها بريلي
وعقب طلع العكس تمامأاااااا

شخصيا اقول لا تتعرفين عليه في ايام الملجه
لانه بيكون انسان غير ….وبعد العرس غيرر
يمكن لانه مايعرفج اومستحي <<نحسن النيه خخخ
علشان ماتنصدمين وتقارنيين
والله الافضل لج ولمصلحتج …والله يوفقج يارب ويسعدج