طويلات العمر ابي طريقة مرق السبزي الايراني

هلا بالسنعات
خاطري بمرق سبزي الايراني ايام يدوة كانت تسوية لنة الله يرحمها الي تعرف الطريقة لاتبخل علية انا تصفحت النت بس كذا طرق مو بالسبزي الاصلي

اتمنى طريقتي تفيدج بس المقادير على حسب العدد اذا تبغين زيادة تزيدين المقادير طبعا

المقادير :
الخضرة لازم تكون طازجة سبانخ بقدونس كزبرة بصل اخضر حلبة بصل عادي ثوم لحم يفضل الخالي من العظم البهارات فلفل اسود ملح كركم ليمون ناشف فاصوليا حمراء معلبه

الطريقة :
تسلقين الحم لين يستوي نص استوا
تفرمين الخضرة مب فرم ناعم وسط بعد ما تغسلينهم وتنشفينهم زين بعدين تسخنين الزيت على نار هادية وتحطين الخضرة المفرومة لين تذبل مع التحريك المستمر وعلى نار هاديه بعدين تظيفين ماء سلق اللحم وتضيفين البهارات واللحم وليمون الناشف وتحركين شوي وبعدين من يغلي تخفين النار وتغطين الجدر لمدة ساعة وقبل التقديم تضيفين الفاصوليا الحمراء المعلبه وعصير اليمون ………يقدم مع الرز او الخبز
واي استفسار انا حاضرة ……..

مشكورة يالغلا وجزاك الله الف خير في هل الشهر الفضيل وباجر بسير السوك اشري الخضرة
فديتج الله