ظن عمتي السوء فيني

بنات صارلي موقف من عمتي وايد اعاني من هالشئ بقولكم من البداية كل مااقعد عندها تسالني عن ريلي ليش ماداوم اليوم الي هو ولدها وليش سوا جي وليش وليش وليش ماتقدر تواجهه هو لانها تعرفه ان بيعصب لان مايحب حد يدخل ويقوله ليش ويتم يحاسبه بيكون بنظرهم مثل الياهل وهو مسؤول عن نفسه وخلاص تزوج وله حياته الخاصة بس عمتي الله يهديها يوم تيلس عندي تعطيني محاضرة طويله عريضة عن ريلي وتسالني هو سوا جي هو وين ودا سيارته وشو وليش واسئلة ماتخلص وانا بصراحه اتضايق ماارضى عليه هو ريال ويعرف مصلحه نفسه ويخاف علي اكثر من نفسه الله يحفظه وانا ارد على اسالتها واقولها الصدق وهذا الموقف اللي صار اني رديت على سؤالها وقلتلها عن ريلي عصبت وليش هو جي وليش …الخ وانا اسمعها وماقول شئ سرت لريلي وقالي امي اكيد سالت عني وقالت ليش ماداومت اليوم صح؟ قلتله هي بصراحه سالتني وتمت تكلمني وايد عن هالموضوع المشكلة ان ريلي راح لها وانا مادري ان بيروح لها وبيكلمها وقال لها امي انا مب ياهل تقولين عني جي وهو عارف اسلوبها يوم تعصب وتتكلم حتى لو ماسمعها الحين هي حاطة بخاطرها مني امس حتى ماكلمتني ع بالها اني انقل الكلام وابا المشاكل تستوي بينها وبين ولدها لان هو من النوع العصبي شوي وانا والله ان نيتي صافية وبالعكس وايد احبها ماشفت منها الا كل خييير ابا اكلمها بس ماعرف كيف ابدا وياها ساعدوني بتجاربكم لاني جديدة فالزواج والسموحه عالاطالة

مرحباآ اختي

مممم احس الام دايمآ تكون حريصه ع ولدها من كل شي

ويكون بنظرها بعده صغير حتى لو تزوج وياب عياال

خذي عمتج بالمسايس فدييتج واستسمحي منهااا دامها فهمتج غلط

والله يوفقج ان شاء الله

فوق فوق

الله يعينج رمسيها عادي وقوليلها

هلا اختي الصراحه انا قصتي نفس قصتج وصار هاالشي معاي احسن انش تتكلمين عني
وانا انصحج انج تسيري ترمسي معاها عادي خلج طبيعيه وقوليلها انا ما كان قصدي انتي تعرفي ولدج عصبي ومن االكلام الحلو وهي اكيد تخاف على مصلحت ولدها صدق انه كبير ويعرف كل شي بس لازم يدخلو الاهل بولدهم حتىلو صارواعياله طوله 0وان شاء الله اكبر المصايب
والسموحه

اللة يهديها بس انتي رمسيها
كان ماصار بينكم شي وبعدين وهيا بتكلمك ان شااللة