خواتي ناوية ان شاء الله اخذ لي عجانة الكينوود وقالوا لي موجودة في جاشمنال
عاد ابا اسأل كم سؤال للي عندها شراتها قبل ماروح وافر بيزاتي عليها خاصة ان سعرها مب هين
المهم انا نويت اخذ العجانة بروحها من دون الملحقات والكل يقول اخذي اكبر قوة ولا تاخذين الصغيره واقتنعت بهالشي
بس ابا اسأل هل هالعجانة بس تسوي لي فطاير وجذا والا عادي اعجن فيها حق الخمير والخبز
يعني الاشياء الثجيلة شوي ؟؟
وبعد ابا اسأل عن سعرها حاليا واذا كانوا جاشنمال يسوون عليها عروض والا لا .. ؟؟
وقالوا ان صناعتها لازم تكون ايطالية والتجميع بعد .. وفيه ناس تقول ان الصناعة ايطالية بس التجميع صيني .. هل اللي في جاشنمال صناعة ايطالية وتجميع ايطالي والا كلهم صاروا صيني هالايام؟؟
اتمنى االلي عندها فكرة عن هالعجانة سواء كانت زينة والا شينة تخبرني قبل لا اتهور ..
شوفي جاشنمال يمكن اللي عندهم غير..
وبالنسبه لسعرها فيها ولا اتحاتين نستخدمها سنين بس اهم شي تحافظين عليها وعلى نظافتها وما اتخلين العجينه تتجمع
بالنسبه للعجين اي شي وهي تنفع لللكيك وللخبز والفطاير والمناقيش والمعجنات
بس بعد يبيعونها عند الوكيل بس ما اعرف وين بالضبط
يعني عندها وكيل هنا
كنت اتحرى بس الاصلية عند جاشنمال.. شكلي بدور وين الوكيل بعد
واللي عندها فكرة ياليت تفيدنا
ضمان سنة بس شريت الضمان ب ثلاث سنوات
بعدني ما استخدمتها
وخذتها تقريبا من سنتين وماشاء الله فناااانه تنفع لكل شي للكيكات والكريمة والعجين …
وبالتوفيق ..