خواتي… شحالكم … عندي طريقة عجينه روعه واريد منكم الدعاء فقط ….
اسمها عجينة الكنز .gif "12 (26)")
او عجينة العشر دقايق … كلمة روعه شويه فيها وسرييييييييييييييييعه جدا وممتازة ومظبوطة وانا جربتها واستخدمتها كمن مرة تطلعج مثل المحترفه وتطلع جنها صموووووووووووووون من خفتها وصدقوني بتدعولي…
تتكون مقاديرها من مجموعتين …
المجموعه الاولى ::: 1 فنجان قهوة سكر ( قياس فنجان القهوة).
2 ملعقة طعام خميرة فوريه .
2 كاس ماء دافيء ( قياس جلاس الجبن ).
2 كاس طحين .
ذرة ملح .
المجموعه الثانيه ::: 1/2 كاس زيت .
3 كاس طحين .
الطريقه :::::::::::: تخلط مقادير المجموعه الاولى جيدا وتذوب عدل حبيبات الخميرة او الطحين . وبتكون سايله مثل عجينة خبز لرقاق ولينه .. وتترك لتخمر 10 دقايق ثم يضاف باقي مقادير المجموعه الثانيه وتشكل عطول وتخبز .. ممكن تستخدم للحلو مثل السينابون او الخليه انا جربتها للخليه لذيذة .. وللمالح للفطاير انا سويت زعتر وجبن ولبنه روعه وسهله وسريعه جدااااااا … وتنفع للسحور والفطور وقت الزنقات… بتكون مرتفعه وهشه مثل الصمون تماما وتنفع وايد اذا استخدمتي الحلة الفلسطينيه بالكهرباء او مايعرف بجدر الخمير بالكهرباء محليا .. لا تنسوني من دعائكم .. اي استفسار انا حاضرة بس عالخاص …
بس انتي شجعتيني وانشالله بجربها…
لج تحياتي..
ويزاج الله الف خير (:
بجربه بأذن الله
تسلم يمناج
