عدم نزول البيبي بآلحوض والقيصرية ؟

مرحبآ

انآ ولله الحمد بآخر ال9 ، ف موعدي من يؤمين خبرتني

الدكتؤره انه راس آلبيبي تحت بس مآنزل الحوض !

يعني بعده فؤق ف آلبطن والرحم مش فآتح وﻻ سآنتي

قالت ان تميتي شهرج وتم الوضع نفس مآهؤ ﻻزم يولدونج قيصري

لنه ماينفع حتى الياهل يطول ف بطنج ، وبس قآلت لي امشي

يمكن ينزل

انآ بجريه ومآتخخيل اؤل ولاده اجربهآ تكون قيصريه آحس يخوف

الموضؤع

قريت عن القرفصآء والسجود ممكن تنزل البيبي بآلحؤض ،

بغيت اعرف هل فيه حلؤل ثآنيه ، ومعقؤله دام الراس مانزل الحوض

آضطر للقيصري ؟

أحلى دلع سبحان الله من شوي اطريج في التجمع
يقولون المشي وايد زين ينزل راس البيبي في الحوض
واذا عندكم درج اصعدي وانزلي كم مره
و شي تمارين بعد بتحصلينها في النت
والدكتورة زينب الشنار في دبي احيدها تمسحج وتغير وضعية البيبي وايد شاطرة وخبرة جدييمه حاولي تروحين عندها
الله يسهل عليج ويرزقج بالولادة الطبيعية يارب

غناتي الله يسهل عليج ، امشي وايد وطولي في السجود ولو لقيتي حد يمسحج وعنده خبره زين
وطمنينا عليج اختي

غلط هالكلام أختيه على أي أساس تقولج هالكلام الدكتوره
أصلا الياهل لو بتقرين في المواقع الطبيه أنه حتى وأنتي تطلقين ينزل من الله
مب من ألحين هي تقرر وتزيغج
توكلي على الله ودعواتنا وقلوبنا كلها معاج
أرقي وانزلي من الدري وانشالله خير

يا حبيبتي الدكاتره هم ادرى غيه حريم حوضهم صغير هالنوعية مستحيل تولد طبيعي بس بيييج الطلق عادي بس الطفل صعب يطلع لانه الحوض صغير اقرب مثل بعطيج اختي حامل وكان بجر وطبعا محد قالها انه حوضها صغير تخيلي ياها الطلق وانفتح 10 سانتي وبعد ماطلع البيبي ووحاولي بكل شي اخر شي سوالها عملية وربيعتي بولدها البجر خبروها انه حوضها صغير فربت بعملية قبل لايجيها الطلق والثاني نفس الشي جهزت يوم وسوت عملية انا ما اخوفج بس الدكاتره هم ادرى صح كل شي بارادة ربي بس حوض عن حوض يفرق حبيت افيدج والله يساعدج وبسهل عليج

استخدمي الحمام العربي او تسوين رياضة القرفصاء…الحبو وايد زين …. طولي في السجود وادعي ربج

يزاكم الله خير ع آلردؤد

زينب الشنار احيدهآ تغير وضعيه البيبي لؤ راسه فؤق

اؤل مره آدري انه تنزله الحؤض بجوفهآ بآذن الله

ولؤ ع الحؤض الياهل كآن نآزل وايد ع آول التاسع لكن سبحان الله

رد آرتفع

وحوضي اوكيه مب صغير .. وحتى الوالده قآلت لي انه ينزل مع الطلق

لكن كلام هالدكتوره خلآني اوسوس ..