وطبعآ دوام السكرتيره والهندي العامل (اللي يسوي الشاي والقهوه) يداومون قبل اخوي بحوالي نص ساعه وهم يبطلون الشركه
وفي مره من المرات اخوي جدّم ييّته للشركه بدون مايخبّر حد لانه مواعد ريال في الشركه ف شاف العامل يمسح ماي من على عتبة باب الشركه
خلاف قال للعامل : فلان !! شووه هالماي انا اتريا زبون مهم
العامل سحب اخوي من ايده و وداه المكتب الخاص مال اخوي وقاله : ارباب فلانه صبّت الماي هذا وكل يوم ترش شوي بس اليوم صبته كلّه
اخوي عصّب و زقر السكرتيره وسألها : ليش جبيتي الماي ع الباب .. وشووه هالماي
قالت : كنت اشرب وفلتت الغرشه من ايدي .. سامحني استاذ
قال الهندي : انا كل يوم اشوفها تفتح شنطتها وتطلع هالغرشه وترش ماي ع الخفيف على عتبة الباب واليوم ماستحملت الموقف و سرت لها بدون ماتحس وخافت ومن الصدمه يوم شافتني طاحت الغرشه من ايدها
عقب اخوي قالها : شو قولج؟؟
قالت : استاذ هذا الماي مقري فيه قرآن وانا ارشه يوميآ عشان البركه ، وعشان تتوفق هالشركه وعشان اتثبت معاكم
المهم عصب اخويه وراغها من الشركه وقالها مابا اشوفج من اليوم وعطاها حقوقها
بس خاف يكون ظلمها و نفس الوقت خايف تكون مسوتلّه عمل او شي من هالطبوب
مع العلم انه الهندي موثوق ويشتغل معانا من حوالي 12سنه .. وأمين ومايجذب عشان جيه مارام يسكت ع الموقف
شو نسوي وايد محتارين شو رايكن فالموقف خواتي ؟!
بس هو كان المفروووض ما يتهور ويطردها
يصلي استخاره يشووف تصلح له هالسكرتيره ولا ما تصلح
حرام قطع الاعناق ولا قطع الارزاق يمكن المسكينه صدق ترش ماي مقراي
المشاركة الأصلية كتبت بواسطة منى الروحm 
اانا مع الاخت "منى الروح"
والحمدالله انكم افتكيتوا منها والرزق عند رب العالمين
لنه الماي المقراي عليه ماينصب على الارض << اتوقع حرام بس اسألي مفتي عسب تتاكديين
انا سمعت جييه
حتى مره سمعت انه الماي المقراي عليه يوم تسبحين به اول شي مش بالحمام عزج الله وثاني شي تصبونه ع الرمل يعني مايسير للمجاري كرمج الله
واسألي لني مش متأكده من كونه حرام ينداس ولا لا