عقلي ذبحني دايم افكاره كبار؟

ضعيف .. لكن ساعة الجـد جبّـار
مسكين … لكنّي مخوف شياطيـن

في الجد طود ما يحركه الاعصـار
والين من الغصن الندي حزّة اللين

فقير .. ما ينعد في صـف تجـار
لكن حسّادي .. هم اهـل الملاييـن

فارس شعر لا قيل ذا وقت شعّـار
ونسل الصحابه لا غدى حكينا دين

ابرد من الثلجه وانا داخلـي نـار
والهم ..مايدري به اقرب قريبيـن

ماحب حكي الكذب واصحاب الاعذار
واضح …مثل شمس الى طلت تبين

عقل ذبحني .. دايم افكـارة كبـار
تبعت حكمه .. خل عنـك المقفيـن

يجيب لك كانك جهلتـي بالاخبـار
عني جميع الناس تحكي .. وتحكين