على أمل يحالفني

صباح الخير بنات حابه اني ارد لافكاري وعقلي ادري ان اللي امشي فيه كله غلط في غلط بس قد ما اقدر بديت اودر الغلط الحمد لله احسن من قبل وايد بديت ادور اشياء تلهيني عن اللي انا فيه وما زلت مرات احس اني اغلط بس امسك عمري اكثر عن قبل الحمد لله على كل شي وعلى كل حال حبيباتي اكيد وايد منكن عرفن سالفتي و مغامراتي اللي صدق ندمانه عليها ما افتخر باني جربت الشين عقب الزين اريد اتقرب منربي اكثر من قبل وعسى الله يتقبل مني بس سالفتي اني كنت دوم اتواصل مع الشباب بالنت وغيره وغيره وجربت هذا الشي على كبر مب من صغري لا حشا بس ودرت كلشي الا التواصل صرت بين فتره وفتره بس بالنت قبل مكالمات و طلعات الحين بس كتابي و احاول اني اجاهد نفسي لين اطلع من هالشي بس الي بعدني ما ودرته وادري انه كله خريط مواقع الزواج عن طريق النت كله كلام فاضي وتعارف تقريبا بس اوهم نفسي ان ممكن يحصل زواج عن تطريق النت واقول في خاطري يمكن يحالفني الحظ ويكون واحد صادق مع اني تعرضت لمواقف كثيره و سخيفه من هالمواقع بس بعدني مستمره فيها مب يايه اشتكي من نفسي ولا ادور حل بالعكس بس حابه اطلع اللي فقلبي الحل معروف انا مب ياهل بالعكس اعرف مصلحتي وين بس مرات الواحد يتعلق باي شي عسب يحس انه مرغوب في هالحياه وانا للاسف تعلقت فالغلط وادري ما يصير و اتمنى اني اكون بعيده عن مغريات الحياة وان ربي لو يبي لي الزواج بتزوج من اللي ما اعرفه و كلشي نصيب بس مثل ما قلتلكم بعدني اقول كيف معلقه الامل على هالمواقع يا رب ما انكر في كم شخص كانو صادقين بس للاسف يا ان ما يكون من نفس جنسيتي او صغير و ما يشتغل و له مشاكل عائليه اكيد هله ما بيوافقون احس اني في دوامه مب عارفه فتره طويله ودرت كل ها وكنت قويه و احس اني بديت ارد للدرب الصعب ادعولي الله يستر علي ويرزقني بالزوج اللي يحفظني ويصوني

حبيبتي الزواج قسمة و نصيب
و دايما اتذكري " وعلى نياتكم ترزقون "

صفي نيتج و ارجعي لربج
و الله بتلقين عنده الي ما تخيلتيه

ما ادري كم عمرج الحين
بس انا مثلج ،، مو معرسة
و اتمنى هالشي لاني اموت عاليهال
و ما بقص عليج مريت بتجربة تعارف و كنا على وشك الارتباط
بس اهله وقفوا بطريقنا
و انا رفضته بدون اهله،، خفت من حوبتهم

بس انا بداخلي اليوم احمد لله الف مرة
لاني ادري ان الي بدايته غلط يكمل بغلط
و متأكدة ان الله بيعطيني احسن من الي راح مني

بدعيلج يا اختي من كل قلبي
عسى الله يهديج لدربه و يرزقج بكل الي تتمنينه
و يسعدج فيما بقالج من حياتج
و انتي بعد دعواتج لنا

الله يهديج ويصلح بالج يارب وادعي دوم انج تبعدي هالشي عنج

الخطابات وايد اهون من مواقع هالزواج
جربي هالشي

حبيبتي تأكدي انه التوبه ما بتي من عقب الزواج
اذا انتي بعدج ف صراع نفسي بداخلج ف الزواج
ما بيكون حل لج خاصه انج ما تعرفين نصيبج كيف
بيكون، يمكن ريلج يقصر ف حنانه وعطفه عليج
ويمكن ما يعرف كيف يعبر عن حبه ويمكن ويمكن
(لا سمح الله) لكن انا ارمسج عن واقع، خاصه انج
تقولين – تلجئين لـ هالمواقع عشان تحسين انج مرغوبه –
لو لا سمح الله حصلتي زوج جي ف صدقيني لو ما تبتي
وانتي عندج قناعه تامه انج ما بتردين للغلط، سهل جدا انج
تردين لـ هالاشيا بوجود ريلج، انتي الحينه عندج فرصه
ربج ستر عليج ف استري ع نفسج وصونيها لانه عقب
اذا لا سمح الله صار هالشي، صدقيني ريلج او اهلج لو
عرفوا محد فيهم بيرحمج ولا بتسلمين من الكلام طول
عمرج لانه السمعه اذا راحت، راح كل شي وياها واي
ريال ما بيرضى بحرمه ما تصون نفسها بوجوده وف
غيابه، واخيرا، نصيحتي لج اتركي هالدرب واملج بالله
مب بـ هالمواقع، هاي خيره لج انه نصيبج لين الحينه
ما ياج، توبي لربج توبه ما فيه رجوع للمعصيه مره
ثانيه وان شاء الله ربج بيرزقج بالزوج الصالح وبييسر
امورج . .

>>>استغفرك ربي ,,,واتوب اليك <<<

انتي تعرفين الصح وين والغلط وين وربي يهديج حبيبتي ..