عملية المرارة ؟؟؟ منو سوتها ؟؟؟

السلام عليكم…

بدخل بالموضوع..

توني راجعة من المستشفى وطلع عندي حصوات بالمرارة والدكتور خبرني لازم عملية استئصال للمرارة .. وبصراحة متخوفه رغم ان الدكتور طمني ان العملية بسيطة جدا وراح اطلع باليوم الثاني من العملية ..

سؤالي .. منو سوت هالعملية ؟؟ وكيف حياتها عقب العملية ؟؟

ومن خلال بحثي بالنت قريت عن شي اسمه (ابسوم سولت) كبريتات المغنيسيوم او الملح الانجليزي ينزل الحصى و ما راح يحتاج الشخص للعملية .. منو جربت ؟؟

مرحبــــــــا…..أولاً الحمدلله على السلامة ..و ما تشوفين شر ….أنا مسوية هذه العملية بمستشفى راشد بدبي من عشر سنوات والحمد لله كانت العملية بسيطة جداً …عبارة عن اربع فتحات صغيرة جداً ما تتجاوز النص سم …بس بعد العملية لاحظت ان الجسم قابل للسمنة وبتنفتح الشهية للاكل …بس ها لازم اتدارين على نفسج …وعن الدوا اللي ذكرتيه ما عندي فكرة عنه …لازم تستشيرين الدكتور قبل ما تاخذينه…والسموحة …

مرحبتين يا هلا.. الله يسلمج الغالية ..وايد اخاف من السمنة . . وانا خبرت الدكتور عن هالنقطة .. قال لمدة سنه لازم امتنع عن الدهون والجسم اذا حافظت على طريقة الاكل ما بمتن .. ومشكووووووورة على الرد..

انتظر باقي التجارب .. ومنو سوت عند الدكتور صلاح حداد بعيادة ميركاتو لطب العائلة؟

هلا اختي
انا سويتها ومثل ماقالت احدى الاخوات العملية عبارة عن اربع فتحات صغار
بس لاحظت ان بعد العملية صار عندي تكرمي اسهال خاصة اذا فترة اتم جوعانة وبعدين آكل
الله يعين

حاولي قبل ماتسوين العملية..ادورين شي طبيعي ينزل الحصوة.ز

والله يشفيج ويعافيج يارب.

وايد خايفة ما ودي اسوي العملية