عملية تصحيح النظر

حبيباتي نظري وايد خفيف وحابه اسوي ليزك منو مسويه من جريب في دبي والا في ابوظبي خبروني وين أحسن مكان لاني وايد خايفه من هالعمليه

بالتوفييييييج..

ان شاء الله انا بعد بسوي عمليه
اخوي نصحني بالمركز البريطاني فدبي
اهوا سواها ب١٤ الف درهم من اربع سنوات والحمدلله الوضع زين ومطمن
والله يوفق

بالشفاء العاجل

أنا مسويتها من سنتين في المغربي في بوظبي ند الدكتور هشام عملية سهلة بس لازم الخوف موجود عند اي واحد
والحمدلله الحين وايد اوكي ومرتاحة
بس اول فترة لازم اهتمام منج
وتقريبا كلفتني 10000

مركز الليزر لطب العيون في دبي – مركز مزايا لكن العمليات في فرعهم بمدينة دبي الطبية
سعر العملية على حسب الطبيب عمليتي كلفت يمكن 8000 ماذكر كم بالضبط بس مب اكثر
مع الادوية(من الصيدلية بتاخذينها) والنظارة وفحص 3 مرات
السنة الي طافت شهر 12 سويتها
صاحب العيادة دكتور مواطن أنور سجواني
نوع الليزك الي سويته الأحدث والسبب إن أسعارهم معقولة لأن العيادة مدعومة من مؤسسة محمد بن راشد لدعم المشاريع
حبيت أضيف ان المراجعين كانوا كلهم من المواطنين ودول مجلس التعاون
واذا كانت حالتج ما ينفع لها العملية بيرفضون يسوونها لج

بالتوفيق ^^

انا عملتها في المستشفى الايراني من سنتين واااااايد اوكي الدكتور ترابي كلفت 8000