فديتكن بغيت اعرف من اللي سوو هالعملية. هل هي اوكيه وشو النسبة اللي الشخص ممكن ينزل وزنه؟
ابصراحه انا ناويه بس خايفة رغم ان وزني وصل 145 ووطولي 165.. بلييييز بليييز لا تبخلو علي باي معلومه حتى لو انها تافهه بنظركن
بس انا ما بنصحك انا بخاف — انا والله يا اختي طولي 170 ووزني كان 90 كيلوا وعملت رجيم ورياضه وقسم بالله اني خلال شهرين اوصلت لوزن 75 وبعدين تدريجيا والحمدلله هلأ وصلت الي 67 وما زلت مستمر على برنامجي حتي احقق هدفي هو 60 —وانت حاولي انشالله يفيدك موفقه
بس مثل ما قالت اختي مادلين اتبعي الرياضة والريجيم احسن
لو تخبرنا مادلين شو بالضبط الريجيم اللي تتبعة والرياضة انكون شاركين لها
ابصراحه الشي اللي خلاني اني افكر بهالعملية مب عسب اني استانس بنفسي، مشكلتي بدت من سنة 2024 يوم اني شفت عمري يالسه ازيد كل شهر 3 ل 7 كيلوا. قمت اسوي رجيم وانزل بس اكمل شهري اتييني ضعف قوي وتميت اطيع بالكلية ولا اعرف احضر كلاساتي. ويوم اني سرت المستشفى حصلوا ان ضغطي واصل جريب 200 وعند نقص وهم الدكاتره قايلينلي ودري هالرجيمات لان الضغط يمكن يصيبج بمشاكل انا في غنى عنها. المهم فتره ورديت لاني بديت اوصل لوزن 121 المهم اني سرت اسوي هالرجيمات وماشي فايدة حتى دكاترة الرجيم يتم يواجعوني ليش اني ما نزل ع بالهم اني العب بالرجيم وانا ابروحي من كثر ما خايفه لا يزيد وزني حارمه نفسي من كل شي. فيوم سرت لكم مستشفى معروف ( كوزموسيرج) قايلين لي شي دكتور مره شاطر حق الهرمونات، يمكن عند الغدة وانا مب حاسه بعمري، ويوم سرت له سوالي ميت فحص وفحص عبالي صدق فاهم تميت سنة وانا بهالادوية وكل ماسال حد شو مدة العلاج يقولون لي اكثر شي 6 اشهر وكل ما سير حق الدكتور يقولي شي تحسن بسيط لين ما لاعت جبدي منه، قومت اسير دكتورة ثانيه ثاني يوم ويوم سوتلي الفحص قالت لي ما عندج لا ضعف في لغدة ولا شي. كل شي عندج اوكي، تميت اسالها ليش دكتوري تم يوصفلي هالادوية وقايل انه عندي غده. وانا اقول ليش هالوزن يتم يزيد عندي والله انقهرت وتميت اصيح .. المهم اني سرت النور وسوولي الفحوصات مره ثالثه ونفس الكلام بس صار عند فتق بالمعدة بسبب الادويه اللي كنت اكلها وجرثومه. كرهتهم والله وودي اشتكي عليهم، بس اختي قالت لي سلميها ل ربج. واحين يالسه اخذ حبوب حق الجرثومه والفتق لازملي عمليه. عسب جي والرياضه ماروم عليها من كثر ما كنت اسوي واقهر عمري احين لو يقولو لي سويها مابروم خلاص نفسيتي تحطمت، لا اقدر انام ولا امشي ولا ايلس ساعات حتى دوامي ما روم عليها بسبب السمنة غير انه صار لي اكتئاب ماروم اظهر شرات قبل.
عرفتو ليش احين فكرت بالقص، بس حابة اعرف الشخص اللي يسوي هالعملية شو معدل نزول وزنه 100% مثلا ولا اقل؟
انا الي صديقة وعملت عملية الغاء المعدة مش قص المعدة بس ماشاء الله كان وزنها ١٥٢ وحاليا ٧٨ وتغيرت حياتها وطبيعة اكلها بس طبعا هالنزول صار بسنة ونص تقريبا والحمدلله صحتها كويسة
شو تسكتين عنهم!!! روحي اشتكي عليهم فتق وجرث،مة بسببهم عشان ياخذون بس بيزات!! معروفين كوزموسيرج انهم وايد ماديين
الله يشفيج حبيبتي وما اعرف عن قص المعدة ، في شي اسمه تغيير مسار
اهم شي تروحين لدكتور شاطر ويهتم بصحة المريض مب همه البيزات وشوفيه بشو بينصحج