عملية قص المعده

السلام عليكم ورحمة الله وبركاته
حبيت تشاركوني في هاللحظات اللي بستعد فيها لعملية قص المعده مع دكتور فواز في مستشفى النور ان شاء الله اقوووم بالسلامه قولوا امين :::::: فديت ريلي وعيالي اكثر ناس بيحاتوني :::::
ولو ما تعبت ولاعت جبدي صدق من سوالف الريجيم والادوية جان كانت هالعملية هي اخر شي افكر فيه بحياتي بس لاني تعبت من التعليقات وكم تسوى يوم ادشين محل يعيبج لبس وتقولج البياعه يور سايز از نت افايلابيل بصيييييح المهم بعظيكم معلومات عني اولا وزني 99 وطولي 161 وطبعا وزني المثالي لازم يكون من 61 لحد 65وان شاء الله بعد العملية بخبركم كل التفاصيل ادعولي اقوووم بالسلامه جزاكم الله خير والسموحه منكم

——————————————————–
مشكورة يا قلبي وجزاج الله الف خير ع ردج

اختي اتجهي حق الربط بليييز ..

حد من هلنا مسوي القص و صابه نزيف الله يبعده عنج و ودوه المانيا فتره ..

اختي اتمنى اكون لحقت عليج بهالمعلومه قبل لا تسوينها .. و اي دكتور ينصح بالقص لان تكاليفها اكبر … و هو مستفيد ..

خصوصا وزنج مب مال عمليه قص كيف يقولج سوي القص .. اكثر شي بيقترحه مفروض الربط ..

و لو سويتيها في هالوقت اللي انا يالسه اطبع فيه .. إن شاء الله يارب تقومين بالسلامه و اتمنالج التوفيق

الله يقومج بالسلامه وطمنينا عليج يالغاليه

تقومين بالسلامة ان شاء الله

تقومين بالسلامه
اخوي سواها في لبنان بغي يموت علينا والله
والحين وزنه اوكي ومايروم ياكل وايد حتى الياهل ياكل اكثر عنه ..