شحالكم خواتى
الله يسهل عليكم الولاده يارب
والله يرزق كل محرمه
خواتى عندى كمن اسئله قلت بحطها فى موضوع واحد^^
استحملونى اول حمل لى وما عرف شئ 
1= وين افتح ملف الحمل شو من الدخاتره تنصوحنى فيهن وعن تجربه^^
2= فى فتره حملى احب اكل كل شئ حامض شرات المخلل والزهره ولبن اب
ها ها زين ولا مو زين حق البيبي؟
3= متى الياهل يبتدئ يسير فوق امى اتقول الحين بعد تحت صح لانى انا فى الاول ؟
4= فى اى شهر اقد اطلع وانزل وهل الدرج مو زين وايد فى الشهور الاولى ؟
5= وقعدت النت هل تأثر لو كانت بس نص ساعه كل يوم
وبس
السموحه منكم بس والله هايل اسئلتى وماعرف اجاباتهن 
ربي يحفظكم^^
يعني حامل بولد ؟؟؟؟
الله يسهل لج امورج
نترى الباقيات
انا نفس الاخت ومب عارفين شي؟
بما انج من بوظبي ماعرف بصراحه وين المكان المناسب .. بس انا اول شهرين من حملي راجعت عند دكتورة جيهان في مستشفى دار الشفاء …. هي الدكتورة وايد زينه و طيبه و شاطره بس المشكله في المستشفى انه ماشي مواعيد تسيرين و تتريين و زحححححمه وايد خصه حق الحريم الحوامل روايح و جي تلوع جبدج هههههه .. و الشي الثاني انه ممنوع تدخلين ريلج وياج عند الدكتوره و هالشي احسه مب حلو .. لنه خصه في اول شهر او شهرين تبينه وياج ..
2= فى فتره حملى احب اكل كل شئ حامض شرات المخلل والزهره ولبن اب
ها ها زين ولا مو زين حق البيبي؟
لا طبعا عادي جدا .. اصلا هالاشياء اكثر اشيا ياكلونها الحوامل ههههه .. بس يقولج اي شي لا تكثرين منه .. لنه اي شي اذا كثرتي منه يكون فيه سلبيات … يعني خليج في الوسط ..
3= متى الياهل يبتدئ يسير فوق امى اتقول الحين بعد تحت صح لانى انا فى الاول ؟
كل ما يكبر يسير فوق .. لين توصلين السابع تحسين صك على صدرج .. حتى ما ترومين تلبسين البرا الي يكون بحديد .. يتعب و يعور ..
4= فى اى شهر اقد اطلع وانزل وهل الدرج مو زين وايد فى الشهور الاولى ؟
هو يقولج لازم تخففين من المشي و الصعود و النزول … خصه في اول 3 شهور لنه الحمل بعده ما يكون ثابت .. بس ترومين تمشين اكيد لكن مثل ما قلت في الاكل تخلين عمرج متوسطه نفسها في المشي لا تتعبين عمرج و لا تشلين الاشياء الثجيلة ….
5= وقعدت النت هل تأثر لو كانت بس نص ساعه كل يوم
وبس
انا بصراحه يمكن ايلس 5 ساعات في اليوم على النت .. و عادي ما استوالي شي الحمدلله بس تحملي لازم تيلسين يلسه زينه و ما تحطين اللابتوب على ريولج بدون شي عازل …
السموحه منكم بس والله هايل اسئلتى وماعرف اجاباتهن
افا عليج …….. احنا كلنا لبعض .. و اي شي تبين تسألين عنه و احنا نعرف اجابته بنجاوبج ان شاء الله