عندي خدامة تبى تدخل الاسلام شو الاجراء

معــــــــقــــــــــولة محد عنده فكره في الموضوع…………….

خذيها على دائرة الشؤون والعمل الخيري وهم بيساعدونج بالاجراءت او على مطوع المسيد وهو بيدلج وين اتسيرين

والله نفس الحاله.. عندي خدامتي مسيحيه بس لاحظت ان ديانتهم مختلفه شويه عن باقي المسيحيات

تقول حرام عندنا لحم الخنزير… حرام شرب الخمر… حرام الحفلات المختلطه… حرام الوحده تتعرف على اكثر من واحد خاصة اذا متزوجه

استغربت… وكلمتها عن ديننا الاسلامي وحسيت فيها مقتنعه…

بس بالاول قلت باخذ لها كتب… من وين خذتي لها اختي؟ عشان اخذ لها بعد

واتمنى البنات يفيدونا

روحي بالخدامة الاوقاف في دبر في الممزر الدور الأول قسم المسلمون الجدد و خذي معاج جواز السفر و صورتين شخصية بالحجاب للخدامة و هما بيسوا كل شئ و عندهم كتب بكل اللغات و مصاحف ممكن تروحي تأخذي من هناك

يزاج الله خير ويجازيج الثواب على الأعمال الصالحه إن شاء الله

هلا ختيه ,,

يزاج الله خير و عساه بميزان حسناتج و ربي يثبتج و يزيدج من فضله ,,

يبالج الغاليه تودينها دار زايد لرعاية المسلمين الجدد تعلن اسلامها و فيه هناك مترجمين بنفس جنسيتها يعلمونها اساسيات الاسلام و يعطونها كتاب تفسير للقرآن و كتيبات تعريفية ..

و هم هناكي ما بيقصرون بيخبرونج كل شي .. و من ناحية سيرتج للمحكمة ضرورية لانها يوم تدخل الاسلام في منهم يغيرون اساميهم و الاجراءات فالمحكمة ..

و عالعموم دار زايد فيها مختصين مواطنين و مواطنات لو اتصلتي بهم بيخبرونج كل الاجراءات المطلوبة ..

و الاسلام يفخر بامثالج يا ختيه .. و ربي يزيدج من فضله .. و يحفظج

::

دار زايد لرعاية المسلمين الجدد ,,

هذا رقمهم ,,037829191

و مكانهم لو ادلين مسيد النور اللي في قريح هناكي بنفس الحوش ..

و تشلين وياج ((صورة شخصية للبشكارة .. صورة جوازها .. صورة اقامتها ))

و شي دورة شهر 7 للفليبينيات عن الاسلام وواجباته وعباداته و الامور الاساسية فيه .. لو تبين سجليها عسب تستفيد و تعرف الزود ..

..

السموحة منج