شخباركم عساكم بخير
اناا الحمدلله حامل وتقريبا دخلت الرابع
ومستويه موووول ما اشتهي الاكل
واغصب عمري عليه
ومن كثر ما ازوع استوى بعد مالي نفس للاكل
يعني عادي 6 مرات في اليوم ازوع
ما اروم اكل شي الا وازوعه
يعني بس هالفيتامينات
واذا تم الاكل شوي في بطني احمد الله عليه
المهم خخخ وايد ارمس
بس يوم سرت وشفت البيبي كان حاط صببعه في حلجه
قالت لي الدكتوره البيبي يوعان شكله
استغربت يعني صدج البيبي لوو يوعان او ما يوصله الاكل عدل
يحط ايده في حلجه
للعلم ان سمعت اصلا البيبي ما يحط ايده في حلجه الا في الشهر السادس
صدج كلام الدكتوره ولا تسولف وياي
بس عادي البيبي يحط إيده في حلجه أتوقع من يبدى تطلعله أطراف عادي
وربي ييسرلج حملج وه لله ه لله بعمرج
بس ماعليج يوم بتوصلين الخامس بتنفتح الشهيه انا في نهاية السابع واكل عن 2 صدق
بس اذا وايد تزوعين قولي للدكتوره تعطيج دوا
وماعليج البيبي يتغذى منج بس انتي اللي جسمج بيتعب من الزواع
^_^انا يوم كنت حاامل يمكن فاليوم ارجع15مره والله الشاهد ع رمستي..ووزني وصل39ووايد ضعفت..لدرجة ان اللي كان يشوفني يقوول هااي مستحيل اتعيش..
الحمدالله والشكر لك يارب ومع ذلك اجهضت وانا فالخامس وماتو عني توم بنتين..
ويوم كنت اتوحم امي كاانت تجبرني ع الاكل غصب..بس احسب للاكل 5دقايق ويظهر..
ماكان يتم شي فبطني مووول..بس حبيبتي انا كنت آخذ حبوب من الصيدليه اسمها (زفران)مال اللوعه بس كانت مساعدتني واايد..وماتحصلين هالحبوب فاي صيدليه..بتحصلينها فصيدلية ابن سينا اللي ع البحيره فالشارجه ولا ابن سينا فرع الميغامول اللي فالشارجه..وشي بعد فدبي ريلي كان اييبلي اياه حليله اذا ماحصل فالشارجه..
واذا عن الجنين كيف يحط صبعه فحلجه..عاادي فديتج..مايخصه يوعان وغيره..انا كنت الاحظ حركات بنتي فبطني فالشهر الخامس مابتصدقين لو قلت لج انها تعقد اصابعها فبعض..سبحان الله العظيم..
المشاركة الأصلية كتبت بواسطة مره حيل 
بس عادي البيبي يحط إيده في حلجه أتوقع من يبدى تطلعله أطراف عادي
وربي ييسرلج حملج وه لله ه لله بعمرج
الله يرزقج يارب
بالذريه الصالحه
ويزاج الله الف خير
المشاركة الأصلية كتبت بواسطة om_ahmed بس ماعليج يوم بتوصلين الخامس بتنفتح الشهيه انا في نهاية السابع واكل عن 2 صدق
بس اذا وايد تزوعين قولي للدكتوره تعطيج دوا
وماعليج البيبي يتغذى منج بس انتي اللي جسمج بيتعب من الزواع
والله ما فاد وياي شي
عيزت وانااا اخذ حبوب
الله يعين
والله يعينج يارب
المشاركة الأصلية كتبت بواسطة حرم زوجي ^_^انا يوم كنت حاامل يمكن فاليوم ارجع15مره والله الشاهد ع رمستي..ووزني وصل39ووايد ضعفت..لدرجة ان اللي كان يشوفني يقوول هااي مستحيل اتعيش..
الحمدالله والشكر لك يارب ومع ذلك اجهضت وانا فالخامس وماتو عني توم بنتين..
ويوم كنت اتوحم امي كاانت تجبرني ع الاكل غصب..بس احسب للاكل 5دقايق ويظهر..
ماكان يتم شي فبطني مووول..بس حبيبتي انا كنت آخذ حبوب من الصيدليه اسمها (زفران)مال اللوعه بس كانت مساعدتني واايد..وماتحصلين هالحبوب فاي صيدليه..بتحصلينها فصيدلية ابن سينا اللي ع البحيره فالشارجه ولا ابن سينا فرع الميغامول اللي فالشارجه..وشي بعد فدبي ريلي كان اييبلي اياه حليله اذا ماحصل فالشارجه..
واذا عن الجنين كيف يحط صبعه فحلجه..عاادي فديتج..مايخصه يوعان وغيره..انا كنت الاحظ حركات بنتي فبطني فالشهر الخامس مابتصدقين لو قلت لج انها تعقد اصابعها فبعض..سبحان الله العظيم..
أمين يارب العالمين
الحمدلله على كل حال
اللي كاتبنه ربج بيصير
عيزت من الحبوب والله من اشم ريحتهم اتهاوع
حتى عاافان الله من اشم ريحه الفيتامين
يعطيج العافيه الغاليه ما قصرتي
الله يرزق كل محروم يارب
اهم شي اطمنت ان ما فيه شي
وهذا امر طبيعي