ولدي فيه كحة بس مب مال بلغم جي ناشفة انا عديته الله يخس بليسي
ومن كثر ما يكح يرجع
كل ما اطعمه شي ويكون شبعان خلاص يوم بتيه الكحة عطول يرجع لدرجه انه يطلع من خشمه
والله اني مضايجة وااايد انا بزور أأكله لأنه هو من النوع الي ما ياكل زين يعني اتم وياه بساعات لين اطعمه وجبته ماابي اشربه ادوية بسه احس بطنه خاس من كثر ما يشرب ادوية يصح من شي واييه شي ثاني ولله الحمد متعذبه وياه ربي يحفظه ويخليه لي يارب
ثاني شي ::
ماعنده شهية للأكل ابدا عطيته فاتح شهية ما نفع ويااه مووول الحال واحد
ساعدوووني هذا وحيدي ويغمضني
بس ما قلتي لنا كم عمره ؟؟؟
اخلطي له عسل طبيعي وي ماي دافي كل يوم الصبح وفركيه بفكس
وعن الاكل
هاليهال كلهم جي ,,,,,,, حطي له بصحن وهو بروحه بيلعب فيه وباكل منه اليهال يحبون ياكلون بروحهم صح ان بيعفسون المكان بس اهم شي ياكلون
و عطيه فيتامينات
احسن شي خديه على الطبيب واطمني
بعدين عن تجربه شخصيه انا اعاني من الكحه الجافه اشهر كل سنه لان عندي حساسيه صدريه والله مانفعني غير زيت حبه البركه
كل يوم اصحى الصبح اشرب مقار ملعقه شاي صغيره
والعطارين بعد يمدحون زيت السمسم بس انا ماجربته انا جربت زيت الحبه السوده شال الكحه شيل
الله يشافي ولدج يارب ويعافي
اسوي لها فيكس بصدرها وظهرها وتنام مرتاحه واول ما تنش الصبح اسوي لها بعد وما اعرضها للهوا البارد وتم بدون الكحه
بس انتبهي الفيكس انواع في للاطفال بعد السنتين هذا اللي اعطيه بنتي
وفي فيكس للاطفال بعد ال3 سنوات هذا يوم بتخلص 3 سنوات بعطيها
اما بالنسبه للشهيه انا فقدت الامل وياها وتعبت نفسيا وما عندي حل