السلام عليكم ورحمه الله وبركاته ..
مثل ما نحن نستخدم الانترنت سواء للمنتديات ولاشياء ثانيه ..
ايضا اخوانا وخواتنا الصغار و اطفالكم يستخدمون الانترنت للتسليه والترفيه وتلاقينهم يدشون مواقع العاب او صوتيات وفيديوهات !!
لكن انتي متاكده انهم فعلا يدشون هالمواقع فقط !!
مثل ما للانترنت مزايا طبعا له اخطار علينا نحن كـ بالغين .. ف ما بالج على الاطفال ؟؟
وهل استخدام الانترنت آمن للاطفال ؟؟
الإحصائيات تدل على أن هناك من 400 ألف إلى 2 مليون طفل يتم استغلالهم إباحيًا من خلال الإنترنت !
وأن هناك أكثر من 100 ألف موقع إباحي يدخله الأطفال وأن هناك أكثر من 3900 موقع إباحي جديد يوميًا !
انتي مطمئنه ومرتاحه ان طفلج يدخل بس مواقع للتسليه بس هل انتي متاكده فعلا ؟؟
الانترنت شبكة واسعة كـ بحر .. حتى ان بمجرد ما تكتبين حرف فقط بجوجل يمكن ان يطلع لج موقع اباحي او صوره اباحيه !!
فكيف ولدج او بنتج او اخوج واختج كتبو حرف بالغلط بجوجل او الصور وظهر لهم شي اباحي ؟؟ او بحثو عن شي معين وشي طبيعي تظهر لهم وايد اشياء ! شدراج انهم مايدشون هالاشياء الثانيه ؟؟
انا ما اكتب هالموضوع الا لاني صارلي موقف البارحه .. وللحين قلبي يعورني ومصدومه ..
بنات وحريم بارك الله فيكن انتبهو لعيالكم واخوانكم .. بتقولون صغار وبريئين مايعرفون لهالسوالف مريتي عليهم ولقيتيهم يلعبون العاب او يطالعون اناشيد وفيديوهات اطفال ..
ورحتي وانتي مطمنه .. متاكده انهم مايدشون مكان ثاني !! بس كلمه وحده يكتبونها بجوجل شوفي شو يظهر لهم ؟؟ او صور جوجل ؟؟ صح ان في مواقع محظوره لكن تظهر صور مصغره صح والا لا ؟؟
لو مايستخدم الانترنت بالبيت .. ويمكن يوم يزور ربعه يدشون الانترنت وماتدرين شو يسون وين يدشون !
انتبهوا عليهم الله يرضى عليكم عيالكم واخوانكم وخواتكم امانه برقبتكم .. لا تغفلون عنهم لدقيقه ولا ثانيه ..
شوفو منو ربعهم وربيعاتهم وشو سوالفهم ؟؟ ويوم يزورون بعض شو يسون شو يلعبون شو سوالفهم ؟؟
و لو يدشون الانترنت وين يدشون ؟؟
لاتقولين لالا انا اعرف ولدي تربيتي مايفكر بهالاشياء !!
لا حبيبتي فكري انه يمكن يفكر بهالاشياء ..هالجيل غير عن جيلنا وكل شي متاح لهم ..
ثقفو عيالكم على كيفية استخدام الانترنت .. خوفيهم من الله قولي لهم ان الله يشوف شو يسون وانه بيعاقبهم .. اعرفي كل صغيره وكبيره من استخدامه للانترنت ..
والله يحفظ لكم عيالكم واخوانكم وخواتكم ..
بالفعل الرقابه لازم تكون متوفره
وما يدشونه الا ااذا خذوا الاذن والام موجودة
تحت رقابتها افضل
والله كلامج صح
يعني لازم تنتبهين واتجيكين وراهم
وتفهميهم بهدوء اذا شفتي شي غلط
وهذا الشي لازم تغرسينه فيهم من صغرهم
الخوف من الله ومراقبته لهم (الوازع الديني)
والله يهدي اليميع
ولازم يكون الكمبيوتر يكون في يالصاله وويكون له باسوورد وماحد يفتح الباسورد غير ولي الامر ويراقب ولده ولا بنته شو يالسه اتسوي
والله يحفظ الجميع
المشاركة الأصلية كتبت بواسطة أم عذاري 
وما يدشونه الا ااذا خذوا الاذن والام موجودة
تحت رقابتها افضل
و لك جزيل الشكر يا صاحبة الموضوع
