عيالي وبيتي ولا الدوام

انا افكر اشتغل اذا حصلت فرصه بس احاتي عيالي والبيت وريلي يمكن يرجع من الدوام مايحصلني في البيت واخاف اني اقصر بتربيتي ليهم لما اداو افيدوني الله يخليكم من تجاربكم وابا اداوم علشان اساعد ريلي

الغالية عيالج وريلج وبيتج اهم عن كل شي لان من المستحيل الوحده توفق بين الأثنين اذا وفقتي في الدوام مابتوفقين في البيت وانا اشوفها صعبة مع اني انا اداوم وريلي متوفي وعيالي كلهم في المدرسة يعني ما عندي صغار بس اشوف عمري ما اقدر اوفق بين الأثنين لانه ما يكون لي بارض لعيالي اكون راجعه تعبانه من الدوام وهم يبغون حد يجابل واجباتهم ومذاكرتهم فاشوفها صعبة جدا جدا جدا واني وراحتج

ان شاء الله تحصلي شغل

اذا تحسين عمرج تروومين … حاولي ليش لا .. و انتي بتسوين ها كله عشان بو العيال .. سوي جدول

و الله يوفقج ان شاء الله ..

انا نفسج

بس يوم اشوف بنتي اقول لا اقعد اجابل بنتي احسن بس الله كريم

الله يفرج عليج

اولا شاوري ريلج ,, ثانيا قدمي اوراقج في كل مكان وشوفي انسب ساعات دوام لج و قرب مكان الدوام لبيتكم,,
ثالثا لو عيالج في سن مدارس الموضوع اسهل ,,
رابعا جربي شهر شهرين ..حسيتي بتعب و تقصير تجاه اسرتج ,,خلاص قدمي استقالتج ..
اهم شي عيالج و ريلج لو مرتاحين بالوضع الجديد استمري,,

صعب التوفيق لازم بيكون في تقصير