عيديتي يومين في الحمرا بيتش

مرحبا الساع وحيا الله كل من شرفني بالمرور على موضوعي..
ما أبغي أطول عليكم بس حبيت انكم تشاركوني الحدث وتعيشوا معايه الجو في اليومين اللي قضيتهن في الحمرا بيتش ..
طبعاً كنا حاجزين قبل العيد على أساس حاجزين لثالث ورابع أيام العيد بس ما توقعنا يكون رمضان 29 يوم..الله يعوده علينا كل عام وكل حول ياااارب

طبعاً ظهرنا من البيت بعد صلاة الجمعه وبما اني من راك ما خذنا من الطريج الا نص ساعه وهني مياري ترحب بكم مع انها بالحقيقه ما تباني أصورها ومرصصه على أسنانها أونه عاااد تخوفني بس أنا عطيتها هذاك الفلاش الغاوي ….

هني الاستقبال بو الشباب خذ الصوره الصراحه هم وايد أخرونا تقريباً ساعه كامله ونحن قاعدين داخل السياره بس يللا ..

الاخت هني منسدحه داخل السياره وتصور ..الصراحه عجبني المنظر والقلعه كل شي فيها يلفت ويخليج غصب تصورين

حتى هناك السوق لاحقنا ونحن الحريم ما نتعب من المشترى وخسرت الحبيب عالبراد 700 درهم على روج وعطورات هذا وما كملنا ساعه من دشينا ..يلا كل ولا زعل أم العيال

هني السياره اللي توصلنا للمكان اللي نبيه داخل المنتجع وبس لأن البحر كان بعيد عنا شوي
وصورت ملعب القولف في الطريج

تاااابع

أول ما نزلنا من سيارة التوصيل عجبني هذا ال… انتوا شوفوا الصوره واحكموا

منظر للفيلا اللي قعدنا فيها راقيه جداً وقمه في الترتيب

المساحااااات الخضرا

منظر دش خاطري للشمس وقت الغروب

القوارب الشراعيه بألوانها اللي تعشي العين

منظر ثاني للبحر

بنات لا تردووون/ تابع

مياري بعد ما لعبت على البحر قاعده تقول لي (( ماما صوري ريلي ..))

جدول ماي صغيرون تحسين كأنج قاعده وسط الطبيعه

مياري ونحن راجعين في الطريج اشتهت الباونتي عشقها الأول والأخير

وهذي صوره للحديقه اللي ورا غرفتنا فيها نوع من الخصوصيه والوحده ما تحاتي أحد يشوفها
[IMG][/IMG]

ثاني يوم توجهنا من صباح الله خير الى البحر بس هذي المره رايحه عشان ألعب بالرمله وطبعاً هناك الأجانب ماخذين راحتهم يعني حدث ولا حرج بس نحن كنا نقعد بعيد منهم وفوق هذا يناقزون صوبنا اونه يبغون يتعرفون علينا

وهذي مني عشان خاطركم بس ترا خطي أحلى عن جي عشاني كاتبه باليسار عسب جي الخط متبهدل شوي هع هع

وهني كانت أحلى مفاجأه بالنسبه لي ان لما رجعنا الشاليه قلت حق مياري تعالي بسبحج الا أفتح ايدها أشوفها شاله هذي الصدفه ولما قلت لها هذي حق منو حياتي قالت لي حقج ماما والله حسيت اني ميته من الوناسه فديت روحها حبيبة قلبي

ولحد هني ويخلصون اليومين اللي قضيناهم في الحمرا بيتش بس كانوا روعه الصراحه وما حسيت بالوقت ..ونصيحه لكل متزوجين انهم يسيرون هناك عشان المكان يرد الروح وفي نفس الوقت اللي حاسه انها ما تتحمل منظر الأجانب وهم بلبس السباحه لا تسير لأن المكان على حسب ما شفت بعيوني مخصص لرفاهية الجانب …

أتمنى انكم استمتعتوا بالصور

حلو ربي يهنيج بس ياريت صورتي الفيلا من داخل عسب الواحد يشجع اكثر ويحجز وين هذا المنتجع عندكم برأس الخيمة

ما شاء الله روووووووووووووووعه
عشت الجو معاكم

الله يهنيكم كمان وكمان

هي الغاليه عندنا في منطقة الجزيرة الحمرا في راس الخيمة
وبخصوص الصور من داخل خذت كم من صوره بس للأسف مش واضحات هذاك الزود

مشكوره حبيبة قلبي