عيسى يقول : أنا شرفت للدنيآ بطلتي البهية " قصـة ولادتي " =)

السلآم عليكـم ورحمـة الله وبركآتـه ~
الحمد لله بفضلـه ربيت تآريخ 22-1-2017 الساعة 5:15 الفجر ..
الله رزقنـي بـ " عيسى " ولي العهد

بخبركـم بقصتي وبسم الله نبدأ ..

قبل كل شي .. تعرفون موضة الافلام الهندية المدبلجة .. ؟!
أنا سويت نفس الشي يوم سرت أربـي خخخ ..
صدق كآن فلم هندي .. الله يسآمحني بس

فـ تآريخ 21-1-2017 مآكنت حآسة بأي شي نهآآآآآآآئياً ..
تعرفون شو يعني نهائياً .. !!
يعني ولا ذرة تعب .. وكنت عآدي اضحك وأسوولف ..
دشيت ويآ ريلي المطبـخ عشآن يسوي العشآ وأساعده ..
ونحن فـ المطبخ قآل لي .. " أنا الا اخليج تربين اليوم خخ "
طبعاً كآن يسوولف حليلـه .. مآ يقصـد انه يولدني فهاليوم خخخ
المهم سوينـآ العشآ .. وشكلـه كثر حبتين من " الزنجبيل
المهم تعشينـآ وعقب دشينآ نرقـد ..
السآعه 11 رقدنآ .. والسآعة 12 نشيت وأنا أحس بخرس ..
قلت استوت الخآيسة .. سويتهآ ع عمـري خخ
بس الحمد لله .. طلع هذآ المآي اللي يحفـظ البيبي ..
المآي كآن يصب .. مآعرف كيف اوصفلكم بس صدق كنت اخر خر بتعبير اصح
اتصلت فـ ماما وقلت لهآ ترى ماي البيبي تبطل .. بس أنا ماحس بويـع ..
قآلت لي دام الماي تبطل لازم نسير المستشفى ..
لان اختيه الماي يتبطل عليها ف غرفة الولادة وحرمة اخوي بعد وامي نفس الشي ..
فانا اول حآلة عندها يتبطل عندي المآي وانا فـ البيت وبدون ويع ..
المهم وعيت ريل وقلت له قوم انا بربي .. قال لي " لييييييش .. "
شووووو ليش بعد !! خخخ
قلت له لان المااي تبطل شووووف .. وأشأر ع السرير ..
خوفتـه حليله .. المهم قام ع طوول وسار يخبر عمتي ..
وعقبها بدا الويع عندي ..
بدا خفيف .. يعني مب هاك الويع اللي يخليني ماروم ارمس .. لا عادي
حتى اني كنت اضحك عآدي ويا حميتي اللي هي " احتاجك "
وعمتي حليلها تقول لي انتي مابتربين .. لو بتربين مابتضحكين خخخ
يعني صدق شكلي موووووووول ماكان يوحي اني بربي !!
بس سبحـآن الله .. الله كان كاتب لي ان الويع مايزيـد الا وانا فـ المستشفى .. " رحمتـك ياارب " ..
اول ماوصلنـا المستشفى حطوني ع الكرسي وحسيت عمـري عيوز خخ
وودوني غرفة التخطيط ..
قالت لي النيـرس يوم بتحسين بحركة البيبي اضغطي ع الفص ..
وأنا من الخووف والويع ماكنت احس بشي الا شي خفيييييييف ..
وغير جي كنت اتنـآآآآآآآآآفض .. وكنت حآسة ببـروودة فضيعه ..
ويوم ايني الويع اصارخ وامي وعمتي يقولولي استغفري ..
وكنت استغفر بس يوم احس بالويع يزيد اصرخ لا ارادياً ..
السستر كانت بس تتريا الدكتورة عشان تشوف الرحم كم فاتح عندي ..
يوم شافت حالتي قالت بندخلها غرفة الولادة ..
الصـراحة .. هالسستـر صبرت علي صببببببببر ..
يتراولي يو غيرها جان سبتني سبب اليهد ..
دخلوني غرفة ماقبل الولادة وحطولي جليكوز ..
وعطوني مال الاكسجين .. ويلست كل ما احس بويع احط الاكسجين ع ويهي ..
لين مايت الدكتورة وقالت فاتح 4 سانتي .. فقالت لي السستر ان شااء الله بتربين اليوم ..
هدي وكل مابتحسين بالالم خذي نفس وقوولي يارب سهل علي ..
وتميت فـ غرفة ماقبل الولادة لين ماحسيت اني خلآآآآآآآآص مب قادرة ..
وتميت اصااااااااااارخ .. خلاص مارووم ..
يتني حليلها السستر وجيكت .. قالت خلاص ولادة ..
وودونـي غرفة ثانيـة وبدت تقوول لي ادفعي كأنج تكرمون فيج مغص ..
وأنا من الخوف والربكـة .. بدال لا ادفع .. اسحب ..
وهي تقول لي لا غلط .. لاتودينه فووق ادفعي طلعي
وانا خلاص اصااااااااااااارخ .. لدرجة ان صريخي واصل برع عند امي وفديتها تمت تصييح ..
تقول لي انا يوم سمعت صريخج قلت خلاص هاي مابترضى تربي ..
المهم .. انا اصارخ وهي تقول لي ادفعي وانا مب عااااااارفة ..
واصارخ واصييييييح وهي تقول لي لا لاتصيحين الصياح مايفيد ..
وانا معاندة .. جان اقول لها خلاص مارووووووووم سويلي عملية ..
قالت لي لا مافي عملية البيبي فـ الحوض وانا اشووف شعره ..
انتي بس ادفعي دفعتين قويـآت وهو بيطلع ..
وانا بساعدج .. بوسع وبسحب ..
وانا مب عارفة كيف اتصررف !!
مب عارفة هالمخلووق كيف اطلعه ..
قلت لها خلاص ماروم اتنفس .. مابطلعه .. اذا مابتسويلي عملة بخليه داخل
تمت تضححححححححححححححك علي
قالت لي خلااااص .. ماينفع الحين تقولين مابطلعه ..
قلت لها مارووم اقولج مابطلعه ..
جان تقول لي صبري انا اعرف شو اللي بيريحج ..
ويابت لي اكسجين قووي قالت لي يوم بتحسين بالالم اضغطي ع الفص وخذي نفس وادفعي دفعة طويييييييييييييلة ..
عقب يت الدكتورة .. لان فـ المستشفيات الخاصة السستر اللي تولد مب الدكتورة الا اذا تعسرت الولادة ..
المهم يت الدكتورة يوم سمعت الصراريخ اضني خخ .. وقالت لها السستر مب طايعه تولد ..
واشوفها الدكتورة ميودة مقص خخ .. وتقصقص .. وقالت لي يالله ..
انا هني قلت خلاص لازم اساعدهم واساعد عمري ..
وادفع دفعة من خاااااااااااااطري وطلع الراس .. وفديته من شفت راسه استانست ..
والدكتورة تقول لي شوفي شوفي هذووه الراس خلاص ماباقي شي
بس فجأة قالت لي ستوووووووب .. الحبل السري ملتف لاتسوين شي ..
قلبي وقف حزتها ..
كييييييف بسم الله عليه .. يعني شوو ملتف ..
واصد ع السستر اقوول لها الحبل السري ملتف ع رقبته ؟؟؟؟؟؟
قالت لي هيه .. بس الحمد لله شكله كان ملتف لفة خفيفة ..
بطلوو اللفة ,. وقالت لي يالله .. بعد مرة ادفعي يوم بتحسين بالالم ..
ودفعت بعد عقبها من خااااااطري وطلع حبيب قلبي للدنيآ ..
وحطولي ايآه ع صدري ..
والله يا بنـآت ماقص عليكم اني نسييييييييييييييييييييييييييييييييييت تعب 9 شعوور ونسيت الويع والالم ونسيت الولادة ونسيت كل شي ..
بس اول ماحطولي اياه ع صدري .. قلت له حبيبي والله تعبتني خخخخخخخ
فديته ياربي .. نسآني الدنيا بمافيها حزتها ..

والحمد لله .. ان ع ولادتي السستر كانت طيبة والدكتورة بعد كانت طيبة ..
عقب ماربيت تمت السستر وياي تشوف البيبي وقلت لها سامحيني تعبت وياااي
والدكتورة تخيط لي وتسولف عآدي .. ولا جني عذبتهم خخخ
بس يمكن لان هذا بجري .. فهم متوقعين ان مالي خبـرة ومحتاجة لاهتمـآم خآص ..

وأحب أقولكم اني ربيت فـ " مستشفى خليفة " – عيمآن ..
لكل اللي يذمون هالمستشفى .. تراني اقوول سبحان الله التساهيل من الله
واصابع ايدينـا ماتتشـابه .. وفي كل مكان شي الزين وشي الشين ..
وعلى نياتكـم ترزقوون .. ~

والله يرزق كل محـرومة يآرب ..
ويسهـل ع كل حآمل إن شاء الله

من يلووم الـ ق ـلب لو غنى وهآم
وبقدوم الغآلي
" عيسـى "
احتفل أو كتب فوق السحآيب والغمآم
إنـه فـي عيمآن انولد " أجمل طفـل "