حبيت اناقش الاحتفالاتـ ـ القايمهـ ـ في المدارس والاستعدادات اللى بنسويها …
ونآخذ الافكار من بعضنا … ولو ممكن بالصور لو سمحتوا …
عنيـ ـ انا عندي ولد في روضة اولى " روضة الامانيـ ـ بعجمان" ..
وبالنسبة للبس افكر كندوه ومحزم وغتره علم الامارات وبروش بس يعني يكون الولد سمبل ..
وعن التوزيعات خذت الفكره من العضوه " شيف شوكولا " كوكيز علم الامارات بس افكر احط عليه الايسنق بدل ما يكون حاااف عشان يجذب الاولاد اكثر .. يعني يكون يلمع …
وممكن اسوي حق مدرسته هديهـ ـ خاااصهـ ـ … يعني توزيع وهيكـ ـ .. والله يستاهلنـ ـ المدرسات على الكراف ويا عيالنا 
وفي انتظار تفاعلكم ويا الموضوع … والصور ان شاء الله بنزلها من اجهز السامبل …
بحاول اسويه على الاسبوع اليايـ ـ …
وهذا سامبل لبوكس ممكن ولية الامر تسويه وتطبع عليه اسم ولدها ولا الصور اللى تباهن كتوزيع … وبجي تسوي شي مبتكر ومب مكرر…
ويطلع شكله مثل هذا …
وهاي بعض الصور المقترحة …
ولي عوده بافكار جديدهـ ـ
موفقة وعساك على القوة
حلوة افكارج
أنا عندي ولدي فأولى روضه افكر البسه دريس شرطي
اما عن التوزيعات للحين ما اعرف فكرة الكوكيز بس ابا شي رمزي
يمكن اسوي له ميداليات
اييب ورقه وأحد عليها شعار روح الاتحاد ومن الخلف أحط عليها العلم واكتب عليها إهداء من اسم ولدي واخرمها وأحط سلسة الميداليه وبس
بالنسبه لي انا بسويلهم هالتوزيعة لانها (تراثية, فكاهية, وتجذب الاطفال) حبيتها وايد
و عن اللبس أحب الأولاد يوم يلبسون الكندوره لعربية ويا الفروخه وعصامه و يحطون شال اليوم الوطني ع جتفهم بس
مايعيبني العصامه اللي تكون ملونه بألوان علم الإمارات.. ولا الفروخه الملونه ^^