اشحالكم خواتي .. عساكن بخير وعافية
بخبركم سالفة هالاكلة قبل لا احط الاكلة بطريقتها
في يوم من الايام لوووول … استعدن للقصة لووووول
مره من المرات طبوا علينا ماشاءالله شباب العايلة من عيال عمومتي ..
ونحن حاطين فبالنا انه بنطلب سندويجات للغدا .. ونشوفهم ماشاءالله كلهم يايين عالغدا
ونحن مامسوين شي .. وامي محتشرة تسير تسوي .. وانا اقولها بنطلب وخلاص ..
وهي اتقول لا وبتسوي ووو … فطلعت هالاكلة العجيبة .. بسرعة الموقف
بس الحمدلله انه عيبهم واييييييييييد وخلص .. ورديت سويته مره ثانية في نفس اليوم لانه اختي قالت
ماريد اطلب ابا نفس هالعيش ورديت سويت بكمية أقل
عسى بس مارقدتوا من القصة
المقادير:
دجاج كباب (استخدمت 4 علب اول مره والمره الثانية علبتين )
بصل شرايح (جوانح)
طماط مكعبات صغيرة (عشان بسرعة يستوي ..لا تنسون اني مستعيلة)
نخي (حمص) (دنقو)
بطاط مكعبات كبيرة
معجون طماط
بهارات (ملح وفلفل وكركم وشوية بزار)
بقدونس
عيش ابيض مطبوخ عالطريقة العادية
الطريقة :
غسلت الدياي وخليته يذوب ( غسلته بالماي الحار .. وهالنوع من الدياي بسرعه يذوب)
عقبها قصيت الحبة لثلاث قطع ..
وقليت الدياي مع البطاط
عقبها تحمصين البصل والطماط وتحطين عليه البطاط والدنقو واتحطين عليه البهارات
عقبها اتحطين قطع الدياي
هاصورة قبل لا احط الدياي
وهني ضفت الدياي وخليته دقيقه عالنار
اتحطين نص العيش في قاع اليدر
عقب نص خلطة الدياي .. واتغطينة بكمية من العيش (مب كل العيش لانه الحركة بتنعاد مره ثانية)
وتحطين الدياي الباقي فوق العيش .. وتغطينه بعد بالعيش (واتخلين كمية من العيش على يمب)
الحين تاخذين كمية العيش اللي حطيته على يمب ( ماتكون كمية كبيرة .. كمية اتسد انج اتغطين اليدر .. المهم تاخذين هالعيش وتحطينه في اليدر اللي سويتي فيه الدياي وتحركينه لين ماتحسين انه تلون بلون صلصة الدياي … شرات اللي بالصورة)
واتحمصين شرايح بصل في الدهن وتحطينه عالعيش عشان النكهة
وخليه عالنار ثواني .. يعني لين ماتجهزين الحرارة (وبدون هالحركة بعد عادي.. اول مره سويتها بدون ماحط عالنار .. وثاني مره حطيت ثواني)
تاخلطين العيش عشان يستوي مكس في الالوان .. تحطينها في الحرارة وترشينها بالبقدونس عشان الالوان..
وقدمت وياه … سلطة معكرونه ( بالروب .. لانه العيش روحه دسم )
وفتوش ( صورة جديمة .. ماصورت الفتوش )
ان شاء الله اكلتي عيبتكم … ولاتنسوني من دعواتكم الطيبة
وياريت تدعون لي انه الله يرزقني بوظيفة محترمة
نسيت اضيف معلومة … ممكن تسوين الدياي مشوي وتطينه بيظهر حلو .. حتى لما تسوين الكباب عالاسياخ .. ويزيد عندج وايد فيج تسوين بنفس الطريقة وتطلع لذيذة
او اذا ماتحبين المجمد فيج تسوين نفس الطريقة وتطلع لذيذة ..بصراحة احلى من المجمد
واحم احم .. الاكلات اللي احطها كلها من تمخميخي ( يعني كله من تأليفي .. وتكون وليدة اللحظة)
واللي بتنقل عاااااادي بدون لا تسأذن .. لكن حلو انج تحفظين حقوق اختج
او اذا ماتحبين المجمد فيج تسوين نفس الطريقة وتطلع لذيذة ..بصراحة احلى من المجمد
الصراحه لالالالالالالالازم اسويها شهيتينا خخخخخخ
الف شكر لج الغاليه وتسلم ايدج والله
اقول فتحي مطعم خخخخخخخخخخخخخخ