غيرة الحريم دمرت حياتنا .؟!

لأنها قصة غرييييييييبة كانها خيالييية عشان كذا ما عمري حكيتها لأحد ,, بس اليوم ودي أقولها

ودي العاااااالم كله يعرفها وياخذ العبرة ويخااااف الله ولا يظلم أحد ,, ودي أخواتي المسلمات

يتحكمن بالغيرة الموجودة بقلوبهن ودي كل زوجة أب تخاف الله في عيال زوجها …

ياليت يأخواتي تقرؤن قصتي بقلوبكن قبل عونكن ,, ركزوا زييييييين وأفهموها عدل ,,

أنا راح أكتبها على أجزاء ,, مو للتشويق والإثااارة لا والله بس لأنها طوووويلة ودي تفهمونها ..

بسم الله أبدأ :

" الجزء الأول "

أبوي كان يحب خالتي أخت أمي حب جنوووووووني لأنها جميلة جداً جداً ومعروفه بها الشيء

بس تزوجها عمي أخو أبوي وعاش معها سنة وجاب منها بنت وبعدين ماااات ,, أبوي على طووول

أتزوجها وعاش معها أشهر بس وصابتها عين وماااتت فيها لأن الرجال كلهم كان خاطرهم فيها ..

أبوي حزن على خالتي وخالي الله يهديه عشان يخف على أبوي راااح زوج أبوي أمي لأن فيها

ملامح كبيرة من خالتي ,, أمي رفضت هذا الزواج وهربت من البيت وأختفت أيااام ما أحد يدري

وين راااحت ,, لكن خالي عرف كيف يلقاها ضربها وردها على البيت وزوجها أبوي غصصصصب

أبوي حقد عليها وصار يعاملها معاملة سيئة جداً أمي صبرت وعاشت معاه وراحت تشتغل وتصرف

علي نفسها وعلى إخواني عاشت بحالها وعمرها ما أذت أحد ..

أصغر أعمامي هو الثاني حب خالتي الصغيرة وراح يخطبها لكن للأسف خالي رفض يزوجه لأن خالتي

خطبها أخو الأميـــــــــر ,, وطبعاً ماراح يضيع الفرصة ويزوجها واحد على قد حاله مع إنها كانت تحبه

تزوجت خالتي أخو الأمير وسافرت معه وعااشت ..

عمي تزوج وحدة أعووووووووذ بالله من حسدها وغيرتها ,, إش أقول عشان أقوله هي سبب كل

اللي إحنا فيه ..

كانت تغار من أمي ومن جمالها ورزانة عقلها وإعتمادها على نفسها ,, مع إن أمي هي اللي شجعت عمي إنه يتزوجها ..

كانت تزور أمي وتضحك معها ,, أمي حبتها وقامت هي تزورها ,, لكن زوجة عمي راحت

ترسل لأبوي وتقول إن بنت عمها شافت أبوي وحبته بجنون ,, وكانت كل يوم تخلي عمي يجيء

لأبوي ويقوله روح أخطبها هي ترفض الخطاب عشانك ..

أبوي ماصدق على الله راح وخطبها وأمي هي اللي خطبتها له وتزوجها ,, وما أكتفت زوجة عمي

بهذا الشي لالالا راحت تطلب من أبوي يطلق أمي …

" ياليته سمع كلامها وطلقها وارتحنا "

بس أبوي رفض , المهم عااااشت أمي مع أبوي وزوجتة اللي أخس من مرت عمي حقوده وحسودة

وكانت أمي صبووووووورة مرة ,, المهم كبر أخوي وصار هو المسؤل عنا ويصرف علينا ..

وما عند أمي أحد تعتمد عليه بعد الله إلا أخوي هذا ,,

بس مرت عمي ماخلتنا بحالنا ,, راااحت تلف ودور على اخوي لإلى مازوجته أختها ,, أمي الله يهديها

طيبة بزيااااااادة وافقت على زواجه وفرحت بعد ونست عمايل هاذي الحرمة ..

وأكييد مرة أخوي بنفس اخلاق أختها مرت عمي ..

أمي عاااشت طووول عمرها تستخدم دواء نفسي بسبب أبوي وهذولا الحريم الغيورات ..

إلى مافقدت عقلها أخر حياتها وصابها مرض عجز الأطباء عن تشخيصه ومعرفته ,, بعضهم قالوا

سحر وبعضهم قالوا عييين وبعضهم قالوا مرض نفسي ..

إلى ماجأت دكتورة في الجامعة جزائرية وشافت أمي قالت : والله العظيم إن اللي فيها سحـــــــــر ..

أنا جزائرية والجزائر فيها سحر كثييير وأنا أعرف السحر من أول نظرة …

" طبعاً ماندري مين اللي حط السحر ,, وما نبغى نظلم أحد ,, حاولنا علاج أمي بكل الطرق ,,

لكن مااااتت رحمها الله واسكنها فسيح جناته …

" الجز الثاني "

حياتنا بعد أمي صااارت قااااسية جداً جداً ,, إحنا أربع بنات وثلاث أولاد ..

ماتت أمي وأنا طفلة ولي أخو اصغر مني ,, وثلاث خوات كبار .. المسؤل عنا أخوي الكبير

عشت عذاااااااااااااب اليتم ,, عذبنا أبووووووووي عذاب الجحيم ,, وزوجته هي الداعم والمحرض له

لأنك أمي الله يرحمها كان لها سمعه مثل المسك ,, عشان كذا تقدم لأخواتي خطاااب كثييير

منهم الدكتور والمهندس والصيدلي ,, فكاااان أبوي يررررررررفض بشدة ,, ويقول عنا كلالالام

فضيع ويتهمنا بشرفنا قدام كل خاااطب ويقول هذولا بناتي وأنا أعرفهم ..

طبعاً ما أحد يصدقه الكل يعرفه ويعرف كذبه وسوء أخلاقة ..

أبوي ماهو مدمن مخدرات زي ماتتوقعون لالالالالالا ,,, أبوي يصلي ويصوم بس

يكرهنا لأنه طووول عمره يكره أمي ويحقد عليها ,, ولأنه يحب زوجتة ويكرة كل الي هي تكرهه

لا تقولوا وين أهلكم وجماعتكم ,, أهلنا ينتشر فيهم الحقد والحسد ,, وكل بيت فيه وحده من خوات مرت عمي لأنهم كثاااار الكل اخذ منهم …

المهم :

كبرت أنا ودخلت الجامعة ,,وخواتي وصلت أعمارهم الثلاثييين ,, وطردنا أبوي من بيته

ورحنا للبيت أخوي الكبيييير …

عند ميييين ,, عند زوجتة الغيوووووووورة ,, طبعاً كملنا تعليمنا ,, وأخوي الصغيير دخل كلية الطب

الكل قاام يتكلم عنا ,, لأن مرت عمي وخواتها وبناتهم ما احد منهم كمل تعليمه ..

حتى خواااتي من أبوووي ,, ماكملوا لأنهم تربوا على الدلع وكره الناس وبس ..

كنا نروح المدرسة بدون مصروف ,, وخواتي من أبوي كل وحدة معها مبلغ تروح فيه المدرسة ..

يشترون شناط وجزم وأغراض جديدة,, وإحنا أمي كانت تشتري لنا بس بعد ما ماتت ,, نسينا

الأغراض الجديدة ..

لا يمكن أنسى يوم كنت أذاكر دروسي وأخوي الصغير عندي يذاكر هو بعد ,, بعد ما صاب أمي

المرض وفقدت عقلها ,, كنا نذاكر ونقفل باب البيت عشان أمي ماتطلع للشارع ..

أبوي عند حرمته ما سأل عنا ,, وأخوي بعد عند حرمته ولا سأل ههو عنا وإحنا صغاااار مرة ..

ذكرياااااااات أليمة وطفولة بااااائسة ذقناها عند أبوووي ..

المهم :

تخرجت أختي وصابتها عيييييين قوية ,, وما قدرت تتوظف ,, كل ماتوظفت تحس بخوووف وتجيها

حالة هستيرية ,, تعالجت بس ماتشفى إلا بعد ماتترك الوظيفة ..

عشنا حيااتنا في معاناة كبييييييييييييييييرة كبييييييييييييرة

وأبوي ماتركنا بحالنا ,, ولا خلانا نعيش زي باااقي البناات ,, كل ما نخطبنا ترفض زوجته من باب

الحسد والغيرة ..

أختي اللي أكبر مني خطبتها حرمة لولدها الوحيد بعد ما شافتها بزوااج ,, هنا جن جنووون مرت أبوي

وخوااتي من أبوي ,, تتصل علينا أختي من أبوي وتقووول :ترى مو أنتم بس عجبتوا الحرمة

حتى إحنا حلوات وعجبناها ..

لدرجة أن أبوي قال للولد الي جاي يخطب أختي إذا تبغى اختها- أختي من ابوي- أزوجك إياها أم هي لا …
لكن الولد رفض وجاااب شيخ قبيلته يترجوون أبوي يزوجه أختي والله إن الولد جلس يبكي

وشيخ القبيلة بعد بس لاحياة لمن تناااادي طردهم أبوي ..

عشان لاأحد يخطب منا مرة ثااانيه ..

هنا إحنا كلمنا اخوي الكبييييييييير ,, إنه يملك لأختي بدون علم ابوي ,, أخوووي وافق

بس على آخر لحظة عرفت حرمة أخوي ورفضضضضضضضضضت بشدة ..

وظلنا كذا هذا حااالنا إلى هذا اليوووووووووووم ..
طبعاً زوجة أبوي زوجة بنتها اللي هي أصغر من خواتي الكبااار والحين عندها ولد ..
وتعاير خواتي وتقول لهم عوااانس مع إنها عارفة إنها هي وأمها وخالاتها السبب ..!!

" الجزء الثالث "

أما انا أصغر أخواتي ,, ما سلمت منهم بعد ,, كانوا يقولون عني شاااطرة وحلوة

بعد ما تخرجت من الثانوية بإمتياااز وقبلت في كل الجامعات ..

ودخلت الجامعة ,, كنت متفوقة جداً ,, أحب الكشخة والزينة ,, البس على الموضة

أشتريت جواال ( طبعاً هذا كله من مكافأة الجامعة الي تصرفها الدولة ,, يعني أعتمدت على

نفسي مو من عند أبوي )

زوووجة أخوي من أبوي الي تصير اخت مرة عمي حطت عينها علي ,, حتى جوااالي تبغى تأخذة مني غصب تقوول إش تبغين فيه

وأنت مو متزوجة .. طبعاً ماكنت أرد عليها لأني هااااااااااادئة وخجولة مرة مرة ..

لكنها داااائم تتكلم في ,, وتقول لأخواااتي إني حلللوة مرة وتبغى كل شيء تشوفه معي..

( أنا ماعندي ثقة بنفسي ابداً ,, عمري ماشفت نفسي حلوة ,, كل بنات العيلة يقلولي لبنانية

وبعضهم يقولون بااكستانية ,, لأن شعري طووووويل وكثيييييف وناااااااااعم ,, والله العظيم

إن البنات في الجامعة لما أمر يوقفوني ويسألوني إش أستخدم لشعري وهل لونه طبيعي ,,

أما أنا ماكنت حااااااسة بهذا الشيء وكان عندي إحساااس بالنقــــــــص وإنطوائية,, لأني يتيمة وحياتي

كلها معاناة )

لما قربت أتخرج من الجامعة ,, أختي من أبوي وحريم أخواني يسألوني خلااااص بتتخرجين

ويصير معك شهاااادة ..

بدأت أحس بأعراااض غريبة أحس شعري ثقييييييييل علي مرة وماني قااادة أتحملة رحت على

طووول قصيته وقاموا يقولولي شعرك مرة حلو حتى وهو قصيييييير ,,

صاار تجيني دووووخة وإرهاااق شديد ,, لما أنام أخواتي يجوون ويصحوني ويقولون لونك يتغيير

يصييييير أحممممممممممر باااااااهت ,, كوابيس مزعجة ..

وصابتني حالة صمممممممممت رهييب ,, أخوي يقولولي ليش أكلمك ما تتكلمين ..

تعب تعب شديد ,, خلال إسبوعين بس وزني نزل بالحيييييييل ملابسي صااارت واااسعة مرة ,

مالي شهية للأكل أبداً ,, كل الي ابغااه مويا طووول الوقت كأسة الماء بيدي ..

( هذا كان في الإجازة )
ولما فتحت الجامعة :
رحت الجامعة وأنا بهذى الحالة لأني متفوقة جداً ,, لكن ما قدرت أمشي مجرد مادخلتها

جلست على أقرب كرسي ,, تجمعوا علي البنات والكل يسألني إش فيكِ ليش نحفانة كذا

ولونك متغيير مرة ممكن نساعدك .. طبعاً كان جوابي لهم ولا شيء لأني أنا ماكنت أدري إش فيه !!

المهم رجعت البيت وعلى الحمام مباااشرة جاتني حاالة إستفراااغ عجييبة ,, أختي الكبيرة رااحت

لأخوي وطلبت منه نروح المستوصف ,, لما شافتني الدكتورة حولتني على المستشفى فوراً ..

ومجرد دخولي المستشفى سولي فحوصات ودخلت العناااية المركزة مبااشرة ..
هنا قالوا إني مصابه بالسكر ,, ومرتفع جداً جداً وحالتي في خطر ,, أنا إنصدمت وصارت نفسيتي زفت ..
جاء أبوي وطل علي مع الباب وأخذته زوجته معها على طوول وسافرت لأهلها ,, أما مرت أخوي
راحت رحلة مع اخوي وخواتها ..

سكر مرة وحدة ولما قربت أتخرج ,, أجلت الترم وعشت في عذاااب نفسي وجسدي 6 أشهر..

بعدها رجعت للجامعة وكملت وأخذت الشهادة بتفوق ومع مرتبة الشرف …

لكن إلى الآن أعاني وكل شيء تغير للأسوء ,, جسمي صارهزززيل مرهق وبشرتي بااااهتة

أما شعري صاااار يتسااااااااااقط بغزارة وقليل جداً ..!

ماعاد عندي رغبة في الحياة ,, مرااارة تسكنني وحسرة تتمطى في أحشائي ,, أكرررره أبوي

وأدعي عليه مع كل إبرة إنسولين أخذها ..

وأدعي إن الله يأخذ حق أمي وحقنا من زوجة أبوي وكل اتباعها عاجلاً غير أجل ..

– ليه الحسد والحقد والغييرة ,, إش الذنب اللي سويناه لهم ؟!!

( أدري أخواتي إن كل شيء قضاء وقدر ولكن لكل امر سبب ,, وعزائي الوحيد ,,

قوله تعالى :

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ) (البقرة: 155/ 156 /157)

الله المستعان .. والله فوق وربج راح يعوضكم على كل اللي فقدتوه حبيبتي ..
اذكري الله واستغفري وصلي قيام الليل وادعي الله يفرج همومكم ويصبركم يارب
واقري سورة البقرة بشكل يومي .. انتي وخواتج واخوانج .. والله يفرجها ان شاء الله
واقري الرقية الشرعية والاذكار .. والله يصبركم

مانقول غير الله يهدينا ويهدي الجميع يارب

قصة مؤلمة جدا .. والله كريم

الله ياخذ حقكم والله يشفيج وياخواتج ويرحم امج

امين يارب

خليهم يسون الي يبونه بس وين بيروحون من عذاب الله

وانتي عليج بكتاب الله والله يحفظج ياربي

قد ماتقدرين حاولي تريحين اعصابج مهما كان برمجي عمرج على انج ماراح تهتمين لأي جرح أو أي الم سببو لج اياه مرت ابوج وخواتها حسبي الله ونعم الوكيل عليهن وفأي وقت تحسين انهن ظالمينج ادعي عليهن ياختي وبس ومابيدج شي غير الدعاء وانتي تعرفين انه دعوة المظلوم ما بينها وبين ربنا حجاب
لكن اهم شي تنظمين علاجج وتنظمين حياتج وتخلينها بسيطة وهونيها انتي محتاية انج تهونيين على نفسج اعرف ناس يا اختي وصلو لمراتب عليا ووظايف حلوة بأقسسسى الظروف ومعظمهم كانو يهونونها على انفسهم ويقولون انه الدنيا ماتسوى وفعلا لا الدنيا ولا مرت عمج وايوج وخواتج يسوون حزنج خليهم يعيشون حياتهم بحقدهم اللي بيندمهم يوم وانتي عيشي حياتج بتفاؤل وابتسامه وماظن انهم بيكونون مستانسين لتغيرج النفسي
انتي بنت ينرفع فييج الراس حرام تعورين راسج لهم واذا قالولج اي شي كبري فويهم
وربي يرحم امج ويدخلها بواسع جنته ويرحم امهاتنا وجميع موتى المسلمين
وطمنينا علييج يالغالية