فآلودة بالآسكريم >> يم يم لذيذة ~

احم احم

سلآم عليكم خواتي العزيزاآت الجميلآت ..~

شخبآركم علومكم شو امسويين ؟؟؟؟؟:

الصراحه هذا اول موضوع لي ف هالقسم الحلو .. بمآ اني استفدت منه وآيد ادش واسرق وصفات حلوه من خوآتي الحلوآت قلت بنزل طريقتي للفالوده بالفواكه ..

وان شاااااء الله تعيبكم ..~

المقادير:

*فواكه مكس .. انا حطيت >> كيوي – همبا – اناناس – رمان ..
>> حطوا اللي يعيبكم ..

* حليب مركز >> ربع العلبه بس..

*شعيريه البيضه ..

* فستق مبشور >> للتزيين..

* آسكريم فانيليا >> نص العلبه ..

* جيلي ..>> انا سويت 3 الوان : اصفر واحمر وبرتقالي ..

التجهيز ::

اول شي انجهز هالاشياء..~

السموحه منكم ماصورت كل الاشياء وكل الخطوات ماكنت حاطه ف بالي بنزل الموضوع فالمنتدى ..

* انقطع الفواكه قطع صغار ..

* انقطع الجيلي لمكعبات صغيره ..

* انفور الشعيريه في الماي >> بس ماي خاااالي مب غير اي اضافات..
وعقب تشخلين الشعيريه من الماي واتحطينها على صوب ..

* ف خلاط العصير >> نخلط الآسكريم مع الحليب المركز >> نص حليب المركز ..

الطريقه ::
* اول شي نحط الجيلي ف صحن التقديم ..

* عقب نحط الفواكه على الجيلي ..

* بعدين نحط الشعيريه على الفواكه ..

* و انصب خليط الاسكريم على الشعيريه وعقب رشه خفيفه من الفستق ..

* وآخر شي نحاول نخلطهم مع بعض بحركه خفيفه ويا الخاشوقه ..

>> مالحقت اصور هالخطوتين لان الايباد فضى من الجرج وبند ..

واللي فوق سويته يوم اربيعاتي شرفوا عندي فديتهم .. عالسريع سويته ..

وهذااا سويته اليووووم ف مله عوده .. فرررش لووول..

بس سويته بالهمبا والرمان وجيلي البرتقال والفراوله ..

والسمووحه منكم لو شي مب وااضح ولا الموضوع مخربط ..>> اعذرووني اول مره انزل موضوع من الايباد ..

وعوآفي على قلوبكم ..~

ثانكس حبيبتي

تسلم الايادي

تسلمون عالمرور حبايبي ..

تسلم الايادي

يسلموووووو ^^

حلوة الوصفة

يعطيج العافية عزيزتي