بغيتكم اتساعدوني … انا من 3 ايام داخله التاسع وراس الجنين فوق الدكتورة قالت لي خلال اسبوعين اذا مانزل عمليه … شو اسوي قالولي المسح مايصير بالتاسع .. قالولي احبي واسجدي وسويت هالشي من اسبوعين وانا مداومه على جي بس اليوم رحت العياده نفس الشي …
منو مرت بجي مرحله اتقولي شسوي ؟؟؟؟؟
ربيعتي استوالها مثلج و اخر اسبوع نزل تحت الراس ..
المشي + الاطالة فالسجود يعدلون وضعية البيبي..
وفي ناس يقولون في هالحالة زين لو الحرمة تحبي .. يعني شوي بتضحكين على عمرج بس ماتدرين يمكن الله يكتبلج في هالشي الخير..
خلي مواعيدج كل اسبوع عشان تتطمنين .. وسوي اللي قلتلج عليه .. ولا تنسين تمسحين على بطنج دوم وتقرين عالبيبي وتدعين الله ايسر له و تعتدل وضعيته..
جزاج الله خيرا
حبيبتي لا تحاتين.. انتي سوي اللي عليج ورب العالمين بييسرها …
سيري اسبوعيا جيكي عالالتراساوند .. وشوفي وضعية البيبي
ان شالله .. الله ايسر عليج حملج ويسهل ولادتج وكل شي يستوي طبيعي..
أنا فالتااسع .. كان عندي قبل اسبوع موعد فمستشفى الوصل وراس البيبي فوووق وقالتلي اسبوعين اذا مانزل بنسويلج عملية وعطتني تاريخ العملية 30-4
انا الحين متوكله على الله .. استخرت وارتحت الحمدلله ما اعتقد الدكاتره بيسوولي شي مب زين .. يعني هم ادرى منا .. ودامج دخلتي فالتاسع انشالله خيـــــــــــــــــــــــــــــــر ^.^
انتي اتوكلي على ربج وخلي كل شي بإيـــــده صدقيني بترتاحين .. مع اني يوم سمعت هالكلام من الدكتوره حسيت انه حد صفعني على ويهي من الصدمه .. وقالتلي بعد لاتسيرين عند حد عسب ينزل الراس انتي فالتاسع مب زين .. بس يلله ماعليه 
اهم شي انقوم بالسلامه ونفرح بشوفة نونوينا .. انا نفسج بجر وماعندي فكره عن شي بس الحمدلله على كل حال