خواتي بعيد عن العواطف والحساسيات , نبا نقاش مفيد ونطلع بخلاصه طيبه
مستغربه من العادات الدخيله على مجتمع الامارات الاصيل , مجتمعنا له عادات وتقاليد توارثناها عبر اجدادنا ولاتقبل القسمه على اثنين ومنبثقه من تعاليم ديننا الحنيف والسنه النبويه الشريفه , يعني كيف مخطوبين ويكلمون بعض وكيف مخطوبين ويطلعون ويا بعض , بتقولون مرحلة تعارف عيل شو تم لمرحلة الملجه ؟؟؟
وحده من الاخوات قالت لي هاي ضريبة ونتايج الزواج من الاجنبيات بغض النظر اجنبيه ولا عربيه , ابا اشوف رايكم ف هالموضوع
فعلاااااااااااااااااااااانبى انعرف النتاااائج
يعني البعض يقول .. الرياييل يوعدون وعقب العرس ولا جنه شيء صار .!!
ولا .. ينبانون على حقيقتهم عقب الملجه ..فياخذون راحتهم ليش مايكتشفون الريال .!
يكتشفون شو عاده فيه .. الله أعلم بها .. !!
<~ هاي هي الأسباب المطروحه حاليا في الساحه ..
انيي للب الموضوع .. كلامج كله ع عيني وراسي .. وماقصرتي بارك الله فيج ..=)
ياريت البعض يعرف إنه الله ماشرع شيء فيه مضره لنا ..
وهالشيء ما يجوز .. ويعتبر خلوه شرعيه .. بغض النظر .. الأهل راضيين وعارفين .!
محد يعرف علوم الرياييل غير رياييل شراتهم ..
يسألون عن الريال سنه .. وعقب يملج على بنتهم .!!!!
ولا ياريت هالشيء حل موضوع الطلاق عندنا .. بعدنا أعلى دولة خليجيه في نسبة الطلاق .!!
الله يهدينا ويبعدنا عن المحرمات .. ويحمي عائلاتنا من المشاكل ..=)
وفي الملجة لازم يطلعون مع بعض عشان اللي ما اكتشفوه في الخطوبة ينكشف الحين قبل الزواج لو في شي ينفصلن وايد احسن
لااازم اصلا ما يحددو نالزواج الا لما يكونون متاكدين من بعض عدل عشان نتجنب الطلاق
واللي ما يرضون يرمسون في فترة الخطوبة وما يطلعون في فترة الملجة بصراحة الله يعينهم كيف الوحدة تاخذ واحد ما تعرف هو كيف
على الأقل يعرف كل واحد شو تفكير الثاني..
انزين أقول لكم على شي… تعرفون ان حتى الرياييل يبون فترة خطووبه مب ملجه.. نعم خطوووووووووووووبه… فتره خطوبه يقدرون يكلمون فيها الحرمه و يناقشون فيها…
أنا مع فترة الخطوبه بحدود… اللي تكون قدام الأهل.. الأهل قاعدين في نفس المكان… مب لازم لاصقين فيهم… بس يعطونهم فرصه شوي يرمسون مع بعض على الأقل فتره…بدووووووووووووووون خلوه طبعا… و ما أشجع المكالمات وايد لأنه ممكن تفتح أبواب..
و لا تنقز وحده علي رجاءا… الإختلاف في الرأي لا يفسد للود قضيه