خواتي اليوم صار لي موقف لا أحسد عليه الصراحة
رحت للمستشفى على أساس عندي موعد فحص عنق الرحم بما اني على وشك
الولادة
المهم دخلت ع الدكتورة وخذت مسحة من عنق الرحم عشان تتأكد من وجود
أي التهابات
وعقب قالت لي تمي مكانج وما لاحظت انها دخّلت صبعها
طبعا مت من الويع وتميت ارفع عمري واترجاها اطلع إيدها وهي تقولي صبري
أنا ما دريت شو السالفه لأنها ما قالت لي انها توسّع وع بالي هذا فحص عادي
المهم عقب ما خلّصت وشفت الموت يلست وأنا أفكر شو بسوي في الولادة إذا
هالفحص ذبحني
ولا حسيت عمري خرسانه !!!
قمت وقفت إلا الدم يصب مني صب وكل ما أخذ كلينكس أشوف النزيف بزيادة
خفت وزقرت عليها وتفاجأت هي يوم شافت الدم وأنا اصيح وهي تهديني
يابولي الويل جير وودوني غرفة التحضير للولادة ونظفوني وغيروا لي ثيابي ورقدوني
وفحصوا نبض ألجنين والحمدلله كان أوكي
طبعا أنا مت من الخوف والصياح وريلي أول شيء خذ الموضوع عادي بس يوم شاف
الدم ع الأرض زاغ
وعقب يت الدكتورة ويلست وياي وقالت هذا شيء عادي لنه عنق الرحم حساس
ولين خلال هالفترة وميمّع دم وأي خدش يسبب نزيف خاصة اني أنا تحركت وتميت
أرافس يوم هي توسع
وقالت ان شيء حريم عقب الفحص والتوسعه يردّن البيت وعقب إييهن النزيف
ويردّن مرة ثانية المستشفى بس في حالتي ياني النزيف على طول
وقالت ردّي البيت ريحي واذا حسيتي بأي شيء تعالي على طول
والحين أحس بألم في ظهري وبطني من تحت وأحس عمري متكسرة وريولي ما فيهن حيل
الله يخليكن خواتي اللي مرّن في هالتجربة، هل هالشي عادي ويصير
لأي وحدة بكرية ؟
طمنوني الله يرضى عليكن لني خايفه وإيد
جزاكن الله خير
فـ لاتحاتين .. ان شالله خير
انا نزل مني دم قبل لااربي بأسبوع ..
قالتلي الدكتورة عادي ..
لاتحاتين الغلا
وانشالله … ربي يسهل عليج كل امورج
بس انت لا تحاتين
بس ان شاء الله يكون شي طبيعي ..
والله ايسر ويسهل ولادتج ..
دام الدكتوره قالتلج عادي فلا تحاتين وتوكلي على الله
أنا صارلي نزيف في الثامن والحمدلله وقف عقب أسبوع بروحه وربيت في التاسع ولله الحمد
الله يسهل عليج يارب
وعلى اي اساس ماتشاورج؟
مب من حقها!!!!!!!
الغالية انا سرت عيادة خاصة وخليت الدكتورة تسويلي توسيع عسب اربي
يتني حمى النفس علقت على 2 سانتي تميت15 ساعة 2 سانتس والويع مووووووووووووووت كل 4 دقايق
من غير اني غلطت غلطت عمري وشربت زيت الخروع اللي زاد الطلق بدون ما تفتح النفس
نصيحة لا تشربين خروع
وعن الـدم عادي تراها وسعت النفس لين 2 سانتي