اول شي ….انا اتعالجت قبل 5 سنين بحبوب رواكوتان …ومن هذيك الايام الحمدلله ولا حبه طلعت ..اتعالجت بمستشفى سيف عندنا براك عند سوزان ماعرف لو موجوده بعدها ..المهم :
خازت الحبوب وتمت الاثار (بقع مع ندب نوع متوسط )+ مسامات مفتوحه واايد
قبل سنه :: خذت من باريس غاليري مجموعة ديلامير لصفاء الوجه ..الصراحه وايد فادتني …روحت عني البقع كلها لكن تمت الخروم لو استمريت كانت بتروح بس اختكم مهمله ….
وبعدين شو صار …اخيرا فتحو عندنا كوزمسيرج براس الخيمه الصراحه مافيني اضرب خطوط …رحت هناك استشاره …عند دكتور عماد ..شاف ويهي قال يبالج اربع جلسات فراكشنال ليزر co2 >>>قلت يالله بجربب …عطوني موعد بعد شهر وكريم احطه كل يوم فليل وغسول ويه من عندهم ..وواقي شمس لازم احطه كل يوم لو ظهرت بالشمس …الجلسه كانت يوم الاثنين 10 _5 _2017 وبعدين سرت حطو كريم مخدر ساعه …وحرقو لي ويهي ..يعور مووووت هالليزر …ويهي احمر بالقو واتنفخ ….المهم خف اليوم شوي بس ماراح ….الصراحه ما عرف شو النتيجه قالي تعالي يوم الاثنين وبيشوف ويهي وبيقرر …والله يستر ادعو لي اتروح نهائيا لاني مابا اسوي جلسات زياده ..والله حسيت فلم رعب كلي على بعضي كنت ارتجف وحسيت بالبرد وقلبي اسمعه بالقو …مراح اجرب مره ثانيه اخاف …ان شاء الله كل شي يروح
ان شاءالله ماعليج شر
