فرنسااااااااااااااا

حابه اسالكم اللي راحت فرنسا او اللي عندها معلومات
سرت فرنسا وبالتحديد "باريس" في بداية شهر 6 في صيف 2024
ويمكن يفيدج تقريري اذا حابه تطلعين عليه
https://forum.uaewomen.net/showthread.php?t=536607

كم يوم يكفينااا نقعد في فرنسا؟
اذا انتوا شخصين يكفي اسبوع الى 10 ايام في باريس .. واذا حابه اتروح الجنوب الفرنسي مثل "نيس وكان" ترى يمدحونهم بس انا ما سرت للحين .. ويمكن يبالج الرحلة كامله اسبوعين في باريس والجنوب

شو احسن المناطق اللي نزورها؟؟
تبين المناطق اللي في باريس ..
الشانز إليزيه .. برج ايفل .. كنيسة نوتردام .. اوبرا .. لافاييت .. لاديفانس .. ديزني لاند .. قصر فرساي والخ

وشو عن ديزني لاند؟؟
ديزني لاند ممكن تباتين فيها اذا اتحبين لأنه فيها فنادق طبعاً .. بس ما يباله .. اظهري من باريس وروحي بالسيارة تقريبا ساعة وخليها من الصبح جي عالساعة 10 وسيري حديقة ديزني لاند وتموا هناك لين ما اتبند وارجعوا باريس للفندق
وتقريري بيراويج ديزني لاند اذا حابه

وكم سعر التكلفه اذا كانت لشخصين لمدة 10 ايام؟
احسبي سعر التذاكر + سعر الفنادق اللي بتيلسون فيها "يفضل حجزها من هني قبل لا اتسافرين" + حطي مبلغ معين للمواصلات يعني ما عرف اقدر بس قولي مثلا 2500 يمكن ما ادري + مبلغ معين للأكل مثلا بعد 2500 + مبلغ معين للشوبنغ والهدايا اذا اتحبين .. بس ما يكلف وايد الحمدلله حياتنا هني وفي اوروبا تقريبا صارت متقاربه نوعا ما .. بس اتأكدي انه أي شي بتحجزين لمدة أسبوع او اكثر بيكون ارخص عن انج تحجزينه ليومين او ثلاث .. يعني مثلا السكن والمواصلات

وووو خاطري اروح الريف الفرنسي …. وووووووووين المناطق الحلوووه اللي نقدر نقعد فيهااا؟
ما عرف للريف الفرنسي سوري

شو احسن شهر الواحد يسافر فيه؟
احسن شهر برايي هو 3 او 4 .. ولا شهر 9 او 10

اذا في الصيف كيف يكون الجووو؟ و هل تسكر المحلات ولا لا ^_^
تقصدين صيفنا نحن ؟؟!! يوم صيفنا نحن يكون عندهم صيف بس يكون الجو متقلب نوعا ما .. اسبوع مطر واسبوع مشمس ويومين مطر ويومين مشمس .. جي تقريبا .. بس ما يكون حار مثل صيفنا اكيد