شخباركم خواتي حاسه الدنيا ضاجت بي و مليت بسبب مشكلتين
بشرتي الدهنية الويه بني غامج و مسامات مثل البرتقال و الدهون الله لا يراويكم
عجزت لا خليت منتجات أولاي و غارنيه و بيوديرما و أنواع الخلطات من النت ما خليت شي حتى الطين حطيته بويهي و ما كو فايده بعد ما أحط الخلطة يطلع وجهي أبيض بعد عشر دقايق ترجع حليمه لعادتها الجديمه حتى المسامت تتسكر بس ترجع مرة ثانية
مأساتي الثانية الطامه الكبرى يدي مسامات وسمرة جدا مع إنه جسمي أبيض لما أرفع كمامي يبان الفرق واضح مع إنه مرت حمي ماشاء الله عليها إيد حرير ووجها مب لذاك الزود و الصراحه أتفشل من ريلي لما نعزمهم على الغدا بعدنها شغالتي إيدها أحسن من إيدي بس مرة كانت مرت حميي نايمة عند عموتي دخلت فجأه لقيتها تحط بإيدها مرهم بعدين خشته بسرعه بس على إعتقادي طوله ثلاث سانتي صغير بس ما قدرت أتأكد لأني فاجأتها
ملاحظة أنا أطلع بالشمس كثير وجربت التقشير مع واقي شمس بس ما كو فايدة زدت الطين بله
ما خليت شي لا خلطات ولا كريمات ما جربتها ماكو فايدة و ما قدر أسير عيادة جلدية
ياليت تساعدوني ما عليكم أماره أنا باتشر نازلة السوق إذا تعرفون شي من الصيدلية يفك أزمتي و موثوق دلوني عليه الله يزيكم خير و دمتم بود
وكريم حمايه ماركه زينه
وبالنسبه للمسامات جربي مانمايزر من كلنك حلو ما يخفي المسامات بس يصغرها
نصيحتي الاولى لج هي انج توقفين خلطااات بليزززززززززز …
لان الخلطات ما تسوي شي غير انها تكون طبقة ع ويهج و تزيد الطين بلّـة …
اعتقد انج تحتاجين تقشير كيميائي ..
لو بتروحين الصيدليات دوري ع مجموعة منتجات فيها عنصر ( حمض السلسياليك ) .. هذا وااااااايد تمام و اوكي حق المسامات و الويه الدهني و انه يظهر بشرة يديدة و يتخلص من الطبقات المب الصحية من البشرة .. و استخدمي واقي شمس لان الجلد يكون حساس شوي يوم بتستخدمينه .. لان بشرة يديدة يالسة تظهر و تتكون ^_^
السموحة ع القصووور
المشاركة الأصلية كتبت بواسطة alseyl 
نصيحتي الاولى لج هي انج توقفين خلطااات بليزززززززززز …
لان الخلطات ما تسوي شي غير انها تكون طبقة ع ويهج و تزيد الطين بلّـة …
اعتقد انج تحتاجين تقشير كيميائي ..
لو بتروحين الصيدليات دوري ع مجموعة منتجات فيها عنصر ( حمض السلسياليك ) .. هذا وااااااايد تمام و اوكي حق المسامات و الويه الدهني و انه يظهر بشرة يديدة و يتخلص من الطبقات المب الصحية من البشرة .. و استخدمي واقي شمس لان الجلد يكون حساس شوي يوم بتستخدمينه .. لان بشرة يديدة يالسة تظهر و تتكون ^_^
السموحة ع القصووور
اشك انج دكتورة جلدية هههههههههههههه
اجابتج طبية ….
بالنسبة لايدج عليج بكريمات مرطبة 24 ساعة ،،، يفضل تشترين اكثر من كريم واتحطينها في زوايا مختلفة من بيتج ،،، كل ما تشوفين الكريم استخدميه على ايدج …
انا ايدي قبل كانت خشنه ومظهرها مب شي بس بكريمات المرطبة الحمدلله اتحسنت…
وبالنسبة لويهج المسامات ،، كريم طبي ما اعرف ،،
لكن الدكاترة ينصحون بماي ورد ،،اما اتحطينه في قوالب ثلج لين يتجمد وكل يوم تستخدمين واحد على ويهج او تغمسين قطن في ماي ورد واتمررين على ويهج ،،،
ويقولون المرة زين للمسامات ويشيل البقع ….انا ما عندي مسامات لكن استخدمت المرة وحسيت انها تعطي رونق للبشرة ،،،
وانا انصحج بدكتور جلديه احسن … عشان ماتحطين اي شي فويهج
والله يفكج من ازمتج ^_^
دمتم بود