شحالكن خواتي ؟
عندي استفسار عن العمرة (الله يكتبلنا عمرة قريبه يااارب)
شو احسن فندق ابراج زمزم ولا رويال دار الايمان ؟
و شو الاقرب للحرم ؟
و كيف حجم الغرف و النظافة و الاثاث ؟
اللي اعرفه انه رويال دار الايمان يديد فاتحينه في رمضان اللي طاف
ساعدوني يزاكم الله خير اللي عندها فكرة عنهم تخبرني 
موفقة
ربي ييسر لج ان شاء الله …
انا سكنت الاثنين و لله الحمد …
كلهم تقريبا في نفس الموقع ….تقريبا نفس المسافه
نفس مجموعة الابراج اللي حولين برج الساعه
(زمزم ظمن وقف الملك عبدالعزيز …و دار الايمان اظن جروب ثاني …بس اللي يشوفهن يقول نفس الجروب )
يمكن زمزم اقرب بشي بسيط …(لا يذكر )
دار الايمان فتج بعد زمزم …صحيح …بس طبعا كلهن يعتبرن جداد …
اعتقد و باللنسبه لي نظااااااااااااااف و مقبولات جدا
إذا كنتوا مجموعه …انصح بزمزم …لانه ممكن تسكنين في سويت اميري بنفس سعر الغرفه في دار الايمان
(تقريبا … 2024…سعر رمضان)
السويت الاميري عباره عن غرفتين و صاله و مطبخ صغير ..2 .حمام (و انت بكرامه) واحد داخل غرفه و الثاني في الصاله…يعني بترتاحين من ناحية المساحه
إذا كنتوا شخصين انصح بدار الايمان …لانه ممكن تحصلين وجبة وحده (باللنسبه لرمضان …سحور أو فطور ما اتذكر و احيانا يقبلون تبدلين )
في ناس يتذمرون من زمزم احيانا الاداره …احيانا اعطال في الحجره …انت و حظج …شخصيا ما اتذكر شي يسوى اتحرطم عليه ^_^
و اتذكري شي مهم …احيانا تصير امور اهناك تقبليها بروح رياضيه و قولي انها ابتلائات …
و أي استفسار ثاني انا حاظره …و انا مارديت على العام تواصلي ويايه على الخاص و فالج طييب
ابراج زمزم ورويال دار الأيمان عدال بعض بالضبط حتى الرسبشنات بينهم فارق بسيط , ابراج زمزم يتيحلج تشوفين مكه من الغرفه لأن المنظر وايد حلوو وكنت استمتع يوم اصلي فالغرفه لأن يتميزون ب سبيكرات تسمعين الأذان يوم بأذن , من ناحية القرب ابراج زمزم اقرب ببضع خطوات فقققط , كان اختياري الأول دار الأيمان ولكن للأسف مالقيت غرف متوافره لكثرة الحجوزات فيه .. ف اخترت ابراج زمزم ك خطه بديله وماتعرضت لمشاكل معاهم الحمدالله .. بس جربي دار الأيمان اتوقع احسن من زمزم
اتمنى ساعدتج
نفس المكان وكلهم عند الحرم
بس تخبلت ع رافلز اكثر ومستحيل اغير لو رحت العمره ثاني مره ان شالله
