تأخرنا شوي في المطعم وأذن العصر فطلعنا بعد الغدا ودورنا اقرب مسجد وصلينا .. وبعدين شاورني اخوي وين ممكن نروح نتجول قلت له انا سامعة عن فندق يديد في راس الخيمة صوب منطقة مزرع الحصن .. فاتجهنا الى شارع الإمارات ومن شارع الإمارات نزلنا من مخرج 119 الى الجهة المقابلة واستمرينا في الطريق الين وصلنا الى وادي خديجة وهو المكان اللي موجود فيه الفندق ..
هناك كان لازم عاد اصور وكنت مستانسة اني عندي تيلفوني الجديد سوني اركسون ساتيو لان تصويره روعة وكاميرته 12 ميجابيكسل .. وكنت غالقه التيلفون وقتها لان عندي تيلفون ثاني .. حاولت افتح التيلفون مارضى لان الشحن مخلص
استخدمت تيلفوني القديم .. وهو ايضا من نوع سوني اريسكون لكن بكاميرا 3 ميجا بيكسل ..
منطقة مزرع ( وادي خديجه )
في الطريق الى الفندق ..
فندق BANAYN TREE ALWADI
طبعا كلمة BANAYN TREE نسبة الى شجرة البانيان الكبيرة وهذي صورتها ..
أما كلمة ALWADI فبالتأكيد نسبة الى موقع الفندق في وادي خديجه ..
وهذي صورة عامة للفندق …
دخلنا من البوابة الرئيسية للفندق وتم أخذ سيارتنا لإيقافها في الباركنات الموجودة هناك ..
ومن ثم مشينا للاستقبال .. وهذي صور الرسبشن ..
يتبع
اخبرنا هذا الموظف ان الشاليهات عددها تقريبا 100 شاليه وتنقسم الى
فلل الخيمة وعددها 16
فلل الرمال وعددها 70
فلل الصحاري وعددها 15
ولكن الفلل المفتوحة لحد الآن هي فلل الخيمة فقط وعددها 16 وكانت كلها مشغولة فيما عدا فيلا واحدة وهي التي قمت بتصويرها ..
الحصن الكبير الظاهر في الصورة نسبة الى الحصن الآثري الموجود في منطقة مزرع .. اما الحصن الصغير فاعتقد انه يستخدم للإضاءة الليليه ..
وهنا توقفنا ونزلنا ..
مدخل الفيلا ..
غرفة النوم واسعة وراقية جدا ..
الغرفة من الناحية الثانية
جلسة خاصة للتلفزيون ..
وفي الجهة الثانية المقابلة لغرفة النوم يوجد طبعا عزكم الله الحمام ..وهو واسع وحلو بصراحة لكن عيبه انه مافي باب ناحية البانيو والشاور .. فقط توجد ستارة .. لكن ناحية المرحاض يوجد باب زجاجي وستاير ..كما تشاهدون في الصور..
جلسة خارجية
واخيرا المسبح الخاص بالفيلا ..
الطاولات
إحدى الجلسات في المطاعم
طبعا ماقدرت اصوره بطريقة افضل من هالصورة لان في ناس دخلوا بعدنا عشان يشوفون الفيلا وكانوا صوب المسبح فحاولت ما اطلعهم في الصورة ..
طبعا مثل ماانتو ملاحظين الفيلا مافيها صالة .. لان غرفة النوم كبيرة الى حد ما والحمام بعد كبير وهي خاصة بشخصين فقط (( يعني حق العرسان او اللي حابين يحتلفون بيوم زواجهم .. الخ )
سألنا الموظف اذا كان فيه فيلل فيها اكثر من غرفة فأخبرنا ان جميع الفيلل فيها غرفة وحدة بس وان اللي يبغي يحجز حق عائلة كبيرة لازم ياخذ اكثر من فيلا وانهم راح يعطونه فيلل جنب بعض ..
وبعدين جينا للسعر .. سعر الليلة الواحدة حاليا ..3526 درهم شامل الفطور والخدمة .. وفيه عرض هالايام اذا حجزت ثلاث ليالي يعطونك سعر ليلتين فقط والثالثة تكون مجانية ..
وهذا كل شي وان شالله تكون هالجولة عجبتكم .. وهذا موقع الفندق على الانترنت ..
https://www.banyantree.com/en/al_wadi/
ملاحظة : امس سرت مزرع مع الجو الحلو حبيتها وايد وانبهرت فيها لاني من سكان راس الخيمة واول مره ازورها ومرينا على الفندق اللي اتشوفونه وانبهرت فيه ويت سيده عالنت ادور مواضيع تخصه فحصلت هالموضوع اللي نقلته لكم وان شاء الله يعيبكم
ويزا الله كاتب الموضوع الأصلي ألف خير
فعلا المنتجع راقي ومريح للي ينشدون الهدوء بعيدا عن ضجيج المدينة
♥أحلى رفع لعيونج الحلوة ♥
للـــ^____^ــــــرفــــــــ^___^ـــــع
♥♥♥♥♥♥♥♥♥♥♥♥♥♥♥♥♥
سبحانــ اللهــ وبحمدهــ سبحانــ اللهــ العظيمــ…
أستغفركـــ ربــــي وأتـــوبــ إليكــــ
احلى شي انه في راك
سعره مبالغ فيه لان يديد
بس اكيد يوم يفتحن الغرف كلهن بينزل السعر