فواله لربع ريلي فالدوام اكيد من ايدي

بوحارب عنده دوام اليوم ف ربعه شارطين عليه يبون فواله من بيتنا .. ف قايلي من امس قلت له اسألهم شوه

يحبوون ياكلون ف قالوا اكلات شعبيه .. ف اليوم احم احم سويت لهم .. عشان ابيض ويهه ..

اول خطوه اتصلت في امايه فديتها وخذت منها المقادير عسب لا انسى شي ويطلع الشغل مب اوكي

وبعدين سويت كل شي مااعدا الهريس تعاونن عليه البشكااراات .. انا لين الحينه ماعرف اضبط الهريس

خبز جباب ..

.. خبيص

.. هريس

بس غطاية المطبقه طاحت داخل ههه واخترب الترتيب بس ضبطته قبل لا يشله

..لقيمات

.. صوره جمااعيه

طبعا ياء ياخذ الاكل عقب التراويح وانصدم من النتيجه كل شي زاهب ع الوقت واستااانس وايد ..

قال : (ماشاء الله عليج هاه كله سويتيه رووحج ) ..

والحين مطرش لي مسج ( صراحه بيضتي الويه وتسلم ايدينج .. مااشااء الله الشباب يااكلوون )

اول مره اتحمل مسؤوليه جيه و هذا اول موضوع ليه في هالقسم .. شرايكن

.. أم حارب ..

يعطييييج العافيه .. ^_^
اللقيمات و الجباب شكلهم لذييييييييييييييييذ

يا ليت لو تكتبين كم كمية الطحين و الخميرة للجباب ..