اول شي عيدكم مبارك وعساكم من عوادهه
بنات انا عندي مشكلتيين
واتمنى انكم تفيدووني
انا الحين عمري 16 سنه
يوم كنت صغيره لين ماكبرت وهم يقولون انتي حق ولد عمتج وهو لج
والكل كان يقول جي
للعلم ان انا اعتبره شرات اخوي
طول هالفتره كنت اطنش كلامهم وكنت اتحرى ان مجرد استهبال
لأن نصهم كانوا يرمسون جد ونصهم يتمصخرون !!
ومن فتره تقريبا كنت سايرهه بيت عمتي وولدها اللي يقولون ان انا وهو لبعض جافني
وقال ابا ارمسج فموضوع !
كنا بروحنا انا وهو واخته الصغيره عمرها 3 سنين
قالي انا احبج ومن هالكلام واتمنى ان النصيب يجمعنا !!
انا عن نفسي من قال هالكلام انصدمت
وع طوول طلعت ومن عقب هاك اليوم وانا مااسير بيتهم واييد وامادق ع بيتهم !!
انا ماححببه
اعتبرهه شراات اخوي لا اكثر ولا اقل
وانا مابا اخخذ واححد من الاهل لان اخاف من المشاكل !
طول هالفتره وهو يدق ع بيتنا ويي بيتنا ويحاول بككل الطرق يعرف سبب ابتعادي عنهم فجأهه
وبعدين اتلاقينا فبيت يدي وقالي ليش تبتعدين شو فييج
وخبرته وقتله ان انت شرات اخوي وانا مابا ارتبط فييكك !
المهم سكت وماقال شي وكان عادي جدا معاي
امي وابوي واختي مسافرين
وانا سرت بيت يدي جمن يوم ارقد هناكك
ويوم كنت اهناكك عمتي يت وقالت حق يدي ويدتي ان نحن لازم نرمس امها ونحير البنت حقه
البنت كبرت ونخاف حد ياخذها عن ولدي وتعرفون سوالف البنات
احيين هي تتريا امي ترجع من السفر وترمسها
انا وايييد خايفه ومضايجه
اذا وافقت مابكون مستانسه فحياتي ابد
واذا ما وافقت راح تستوي مشاككل بين الاهل
للعلم ان امي وابوي واخواني متفاهمين وراح يتقبلون رفضي وبيخلوني اختار ع كيفي
لككن المشاكل بتي من يدي وعمتي وعمومي !
ماعرف شو اسوي اتمنى تفيدوني
وعندي مشكله ثانيه
البارحه يتني الدورهه
لككن هالمرهه غييييييييير وايييد
الم مش طبيعي والدم يصصب مني بطريقه مش طبيعيه
لدرجه اني البس اثنين وفوق كل ها اخيس ثيابي !!
يععني ينترس بسرعه
فيني شرات النزيييف غير عن كل مرهه
واححس شرات الابرهه داخخل المنطقه الحساسه 
كلما امشي اححس ان بفقد عذريتي لان جي اححس ان كل ماامشي يددش داخخل واخاف
انا ماعرف اذا هالشي عادي او لا
لان اول مرهه يستوي فيني جي !
والسموحه اذا كان موضوع الدورهه شوي فييه كلام جريء
بس مضطره اني اكتب
انا ماعندي حد اخبرهه بمشكلتي غير حرمة اخوي
وحرمة اخوي تبا توديني المستشفى وانا خايفه واييد 
ماعندي غير اخت وحدهه ومسافره هي وامي
فقلت بلجأ لكم خواتي
سآعدوني 
ولا حتى رد ؟
بس اذا تشعرين انه صعب تتقبلينه كزوج في الغد فكوني صريحة مع اهلك بهالامر بس نصيحة اذا الولد على خلق ودين سبحان الله يكون مناسب عموما بدري جدا على هالامر
والله يكتب لك الخير .,
بالنسبة للدورة مرات تكون بكمية كبيرة والم يشكل ضغط على المنطقة اذا تمت لليوم الثالث والكمية ما تقل يعني بعدها بكمية كبيرة مثل اول يوم فضروري انك تشوفي دكتورة تسأليها
والله يسهل امرك
المشاركة الأصلية كتبت بواسطة طيف الغربة 
بس اذا تشعرين انه صعب تتقبلينه كزوج في الغد فكوني صريحة مع اهلك بهالامر بس نصيحة اذا الولد على خلق ودين سبحان الله يكون مناسب عموما بدري جدا على هالامر
والله يكتب لك الخير .,
بالنسبة للدورة مرات تكون بكمية كبيرة والم يشكل ضغط على المنطقة اذا تمت لليوم الثالث والكمية ما تقل يعني بعدها بكمية كبيرة مثل اول يوم فضروري انك تشوفي دكتورة تسأليها
والله يسهل امرك
هو واييد زين ومحترم
بس انا وهو متربين مع بععض
والمشكله ماححس بشي غيير مشاعر اخخويه
وشككرا لانج خبرتيني عن الدورهه
والله كنت خايفه
طمنتيني شوي الله يطمنج دنيا واخخرهه
مممممممممممممم
صراحة لج الحق ترفضين
واذا اهلج متفهمين اكيد رح يفهمون لعمومج وعماتج ويدج ..ترا جزء كبير من الموافقه على الزواج موافقة البنت
واذا عن الدورة لا تحاتين ماتوصل لدرجة فقد العذرية لكن اذا زاد عن حده النزيف روحي الدكتورة وقوليلها مشكلتج وان شاء الله خير
^^
إذا ما وقفت وتمت على هالحال لااااازم تروحين المستشفى لااااازم
لأن بعدين بسبب لج فقر دم لا سمح الله
فتقفي على عمرج