فيني احباط من الدايت وكله افكر بالاكل

السلام عليكم بنات..شحالكم؟ انا من زمان ما نزلت مواضيع فالمنتدى..بس دايما اقرا..انا مربيه من شهرين وشي..وايد متنت فالحمل وزني وصل 115 كيلو..وبعد ما ربيت نزل وزني لين 102 فأول شهر..بعدين رحت عند مركز دكتور نيوتريشن ونزلت عنده بعد لين 92..بس المشكلة اني من يومين قاعدة اخبص فالاكل ومالي خاطر التزم خلاص..ماريد تعبي يضيع عالفاضي..اريد ارد التزم نفس قبل وبنفس الحماس والعزيمة اللي كانت فيني اول ما بديت..يارب لا تضيع تعبي عالفاضي..انا بعدني اريد انزل زيادة لين 75 وحاطة حق عمري هدف اني احقق هالشي خلال 3 شهور بالكثير. ادعولي

بالتوفيق خيتو
بس بصرحه حرام انتي عندج بيبي صغير وهو يرضع منج ولازم تفكرين فيه قبل نفسج
وبصراحه اذا تسوين رجيم البروتين وتشريب حليب خالي من الدسم بينزل وزونج وبسرعه
بس مانصح بصراحه وانتي عندج بيبي ومرضعه لان فيتمانات الحليب اللي بصدرج تقل وايد ويصير حليبج خفيف وتنقصه وايد فيتمينات

انا ويا الاخت عايشه اهتمي بولدج ورضعيه ولاحقه ع الريجيم انا جربته ريجيم نيوترشن يخفف الحليب

دام ماعندج إراده حق الرجيم… لسش ماتشتركين ويا المراكز اللي توفرلج الأكل ويوصلونه لين عندج؟

اذا حصلتي الأكل جاهز جدامج ودافعه عليه بتغصبين عمرج تلتزمين… و الأكل يكون وايد متنوع والكميه واايد تكفي وماتملين منه

اشتركي شهر.. وعقب هالشهر بتتعودين على الأكل الصحي وبتستمرين ان شاءالله بدون ماتشتركين وياهم

لايفلي حلو أكلهم بس الإشتراك غالي.. جربي اذا يناسبج

شكرا خواتي اللي ردن عليه..

اختي ::ButterFly::
مشكورة على الرد..انا عندي ارادة حق الرجيم بس مادري شو ياني من يومين..يمكن من الدورة لانه موعدها قريب. ان شا الله بكمل.

غزالة تخلي عزيمتج تروح كوني قويه حتى لو عندج بيبي هذا مب معناه انج تخسرين حياتج
اذا بتاكلين اكلي اشياء قليلة الدسم ولا تأكلين دهون او تشربين غازات وكله اكلي فواكه وخضراوات وعصاير فرش طبيعيه مب مال الجمعيات
وطبعا البيبي ما راح يضره شي ولا تنسي الرياضه
انا وزني 74 وبحاول المستحيل علشان انزل وزني علشان صحتي
بالتوفيق