قريتوا هالمدن اللي فووق ^^^^ في العنوان
ناوين ان شاء الله في الصيف تقريبا ع نهاية شهر 5 عشان الزحمة نسافر اوروبا لمدة غير محدوودة يعني ع حسب المدن والدول وريلي قرر يسير هالمدن بنفس الترتيب وعقب نرد الامارات … بس بغييت اسأل كل وحده سايرة هالمدن.. كل مدينة كم تستااهل ان نبات فيها … وشو الجو فيها في شهر 5 و6 واذا حابين تضيفوون اي مدينة ثانية بين ميونج—>براغ او براغ–> فيينا يكوون احسن لان ريلي يبا يزييد الكمية…
وشو الفنادق الزينة او الشقق في هالمدن.
للعلم بنطير من دبي ل فيينا وعقب بنرد فيينا لدبي… وطريقة المواصلات بين المدن القطاار طبعاا لان ويانا عيالنا (ولدين) بيكون عمرهم في شهر 5 (سنة 6 شهوور) الله يحفظهم ان شاء الله
وووو شو رايكم نغير الطيران نبا نحجز عالامارات… بس انا مليت من طيران الامارات ابا اغير… حد جرب الطيران النمساوي او الالماني او السويسري او اي طيران ثاني… حلو التغيير^_^
واذا اذكرت اي سؤال ثاني بخبركم ان شاء الله
اترياا ردووودكم الحلوه 
وربي يحفظلج عيالج
لاتنسين التصوير اهم شـــــيء
والصوغه هههه
أنا بقولج ميونيخ اذا تبغون شقق فيي شقق حلوة فندقيه دبراج اليزابث ابارتمت اختي سكنت فييه تمدحه
انا سكنت في الماريوت كورت يارد بعد حلوووو .
اذا تبغين طيران رخيص عليج بالقطري وايد ارخص
النمساوي يمدحونه اذا وجهتكم الاولى فينيا سيروا مريديان فينا حلوووو وايد
و زيورخ نحن سكنا في اربيلا شراتون بعد زين تمينا ليله وحده .
خذي عربه للاطفال وحده ( حد ورا و حد جدام ) هاي عمليه اكثر عن الي جنب بعض من خلال تجربتي و يا عيالي .
اي سؤال ثاني انا حاضره ؟؟؟
فيينا و ميونخ نفس الشي .. مدينه حشرة و جي يعني سوق و ملاهي و متاحف .. و وايد عرب خصه ميونخ …. حلوة حق اسبوع او 5 ايام .. فيينا انا سكنت في الميريديان + امبريال .. و الاثنين يجننون بس حبيت الميريديان اكثر .. الثلاجة كل الي فيها ببلاش .. و فيها كوايه و غلايه ماي و كل شي .. بس الباب مال الحمام زجاج و مافيه قفل ..
سالزبورغ تجننننننننننن روعه بمعنى الكلمه .. فيها طبيعه روعه و فيها اسواق حلوة و فيها مطاعم و مناظر و وايد هادية و في نفس الوقت فيها حركه .. يعني بين فيينا و زيلامسي ..
و براغ ما سرتلها بس يقولون رخيصه و حلوة ..
و هيه بالنسبه للتنقلات اذا كان عندكم اغراض شوي و خفيفه اوكي القطار .. اما لو اغراضكم وايده و ثجال في تحركاتكم ترا احسلكم تستأجرون سياره لنه وايد بيكون تعب عليكم شل و حط الاغراض و اليهال .. تغيير القطارات و جي وايد متعبه ..
ترومين تدشين التقرير مالي .. و بتحصلين وايد تقارير عن النمسا في القسم .. تفضلي :