في حد مر في الي امر فيه الحين ؟!!

قبل ما اقول مشكلتي خواتي .. الرسول عليه الصلاة والسلام : خير البشر : كان يشاور اصحابه
وانا ما حطيت مشكلتي هني الا وانا على ثقه ان بلقى الحل باذن الله من فضل الله عليه
ومنكم خواتي ان شاء الله

انا بنت وحيده امي مالجه من شهرين – عمري 21 و ريلي عمره 27
في فتره الخطبه كنا نتكلم في وجود محارمي كان ايي في الميلس ويكلمني وكنت احس وااايد طيب
الله حق مب مقصر فيه

قبل الملجه بشهر دخل دوره فالدوام : وهو شغله في الفاينيس ( مدقق حسابات ) فالادراه
من بدا هالدوره مع انه مب ملتزم فالدوام يسير اداره ثانيه احسه تغير وااااااايد
بالاسبوع اتم ما يكلمني ولا يرد على مكالماتي
عالبلاك بيري مايرد واذا يكلمني مثلا يقولي شحالج الساعه 2 الظهر ارد عليه اقوله بخير
الرد الثاني يكون الساعه 10 الفليل واذا ابا اكلمه يقولي برقد

الصبح يقولي فالدوام العصر برقد المغرب بظهر الفليل برقد
اقوله شوفيك عليه انا مقصره في شي قولي عشان اصلح الغلط الي اسويه

يقول والله مب زعلان منج ولا شي انا مضغووووط وايد من الدوام انزين دوامه من الصبح لين الظهر باقي اليوم يقدر يكلمني
او اكلمه الفليل يرقد وانا اكلمه اسكت والله ماقول شي ومب مره ولا مرتين استوت هالحركه

والحين يقولي خلاص مابكلمج الفليل اذا بتمين تزعلين مول ماقام يتصل واذا اتصل ماااااااايرد
واذا ازعل ثاني يوم يقولي ماشوف الشي يزعل تعبان ورقدت وين المشكله ؟
يقولي زعلي بس على مواضيع تسوى مب عشاني رقدت وماكلمتج

من فتره كان يكلمني العصر قلت قالي برايج قلت له ابا اكلمك من زمان ماكلمتك قالي اوكي
من ارد على الليل وعد بكلمج وكان يوم الخميس ترييييييته لين 1 ماتصل
اتصلت انا مارد عليه والله ماقلت اي شي
ومارد كلمني ولاااااااا اعتذر ولااااااااا كانه شي مستوي
عقب 3 ايام اتصل يكلمني عادي

يوم اظهر ابا اشاوره اتم اترياه يرد عليه مايرد اقوله شو فيك ؟؟؟ ليش ماترد ابا اظهر اسير ولا لا
يقولي مااااااااا احب حد يتشره لا تتشرهين ما حب
يوم ايي استقبله واتم عاااااادي يقولي لا انتي منتفخه والله العظيم مب منتفخه ولا زعلانه
احاول ارضيه بكل الطرق
اقوله انا في شي اسويه مب زين وياك مقصره ؟ قولي اتم اعتذر له
يقولي والله مب مقصره انا الي مقصر وياج

او يكلمني يقولي شوي وبتصل ماااااا يتصل عقب اقوله قلت لي بتصل
يتم ساكت يقولي انزين وين المشكله الحين ؟

احس اني ضااااااايعه مب رايمه اخذ قرار والله العظيم
اصلي القيام اصييييييييح ارفع اديه ماعرف شو اسوي

ساعدوني حد يعطيني حل .. امي قلبها متقطع تقولي اي حد في بداية حياته لازم يواجهه مشاكل بسيطه مثل هاي لا تكبرين الامور ماحب اتشكي والله العظيم

صدقوني من فرج على مؤمن كربه .. فرج الله عنه كربه من كرب يوم القيامه
الي ما تبا تعطيني حل بس اباها تدعي لي

سامحوني على الاطاله واتريا ردودكم