في حد ياها المنان في الخامس وربت في السابع؟ بليز ردوا عليه

انا اسبوع وبدخل السادس وفيه اوياع مثل الدوره والام
بغيت اعرف في حد ياها ويع وهيه في الخامس ويع ولاده(منان) وتحس بتعب والم
في بطنها من تحت وولدت في السابع او الثامن

لاني تعبت واحس اني مااقدر اوصل لين التاسع اوياع تيني مثل الولاده ويوم اسير اكشف يقولون مافي شي وهذا الويع يزيد فليل لا اقدر ارقد ولا ايلس وريلي احتار ويايه

في حد استوالها شراتي وشو سوت وهل ولدت طبيعي؟؟
لاني قبل ولدت قيصريه

لا ان شاءالله ماعليج شر وبتربين فالتاسع

بس انتي تمي ادعي ربج والله كريم..

مشكورات خواتي على الرد

انا ادعي الله دايما لحمدلله بس الويع مب طايع يوقف والليل ماارقده ومبين على ويهي اني ماارقد

ان شاء الله خير

ما اعرف كيف حالتج .. بس وايد منا يعانون من هالويع في السابع والثامن .. المهم مب ويع الطلق .. هاي انقباضات عادية انا كنت مثلج فالليل اتعب وايد .. بس جربي هالطريقة حطي تحت راسج مخدات كبار يعني كانج شبه يالسه وتحت ريلج مخدات عشان يوصل الاكسجين للطفل وترتاحين فالطيحة .. جربي هالحل كم يوم وبترتاحين اذا فيج انقباضات عادية
ودوم اقول للبنات سوا تحليل للالتهابات .. ساعات اتسوي هالويع ..
والله يعينج .. وما عليج شر ان شاء الله ..

فديتج حبوبه

الخوات ماقصروا

الله يثبت الجنين يارب ويسهل عليج

يالله يامجيب دعوه المضطر اذا دعاك يالله يارحمن يارحيم برحمتك استغيث ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان
ويالله يارب العالمين ترزق كل محرومه بالحمل السليم عاجل غير آجل
آمين يارب العالمين…