في خاطري اتعلم اللغه الانجليزيه ؟؟

مراحب ….اشحالكن عساكن بخير
والله انا عندي مشكله في اللغه في خاطري اتعلم من زمان لكن مااعرف كيف ؟؟
كنت بسجل في معهد قالوا لي مو زينه بس تعلم قواعد مو محادثه وبصراحه خايفه ادخل واخسر ع الفاضي
ياليت اذا في احدالي ممكن تساعدني جزاها الله الف خير في تعلم اللغه عبر المسنجر واكون لها شاكره او لو تعرفون مدرسه اجنبيه تدرس في البيوت مجربه تخبروني عنها
والسموحه طولت عليكم

هلا حبيتبي^_^

الله يوفقج يارب

وصدقيني المعاهد كلها خساره فلوس ولا بتستفيدين منها

اهم شيئ الممارسه مثلا حاولي تتكلمين انجليزي مع اي حد حتى لو تخبيصات راح تتعلمين

اافتحي قصص لاطفال من مواقع انجليزيه يعني فتحي جوجل وكتبي story kids

ولاتترجمين كل الجمله ترجمي الكلمات الي ماعرفتيها ^_^

والله اول مره ماراح تعرفين وبتملين بس بعد محاوولات عديده راح تشوفين نفسج
100% بالانجلش

الله يوفقج^_^

مشكوره يالغاليه وان شاء الله بحاول

الله يوفقج^_^

غلاي بانصحج نصيحة، طالعي الافلام الاجنبية اللي فيها ترجمة بالعربية تحت، دخيييلج لا تغلطين غلطة الكثيرين، يقرون العربي و ما يسمعون الانجليزي، ييبي ورقة و قلم الفلم مثلا مدته ساعة و نص اسمعي زييين الكلام و اقري الترجمة، اي كلمة بيلقطها مخج اكتبيها و اكتبي معناها بالعربي ، و استمري لنهاية الفيلم، اكتبي 4-5 جمل و حطي الكلمات الي كتبتيهن في جمل مفيدة،بالنسبة للمحادثة لا تخجلين و اعرفي انه ماحد انولد من بطن امه عالم، كلنا تعلمنا من الصفر و خبصنا لين قلنا بس،اقري مثل ما قالتلج اختي ام ميثا كتب الاطفال و ترجمي الكلمات اللي ما تعرفينها، رمسي ريلج او حد فالبيت بالانجليزي اذاغ بشكاراكم فلبينية بيساعد وايد لانه الرمسة كلها بالانجليزي، الاهم انج ما تستحين و الله بيوفقج انشالله

انا بعد اشوف اسهل شي تستخدمين الانترنت في تعلم الانجليزية ….ترومين تقرين مواضيع في الانترنت طبعا مواضيع حلوة تهمج في الانترنت ،،، والمواضيع اللي تلقينها حلوة ولغتها سهلة وممكن تستفيدين منها في حياتج اعمليلها برنت وخلي الاوراق وياج ،، تعملين ترجمة للكلمات اللي تستصعبينها..وكل شوي تقرين من هالاوراق ،،، صدقيني راح تستفيدين ..انا جي اسوي ..وعندي أوراق بالهبل الحين حطيتهم في فايل …
انا اهتمامي في شخصية الانسان من جي دووم اعمل سيرج في هالمواضيع ..واكتسبت كلمات حلوة نستخدمها في حياتنا اليومية ، وتعلمت كيف اربط بين الجمل ، ووو … إلخ

خواتي اتعلمن من بشاكيرهن صراااااااااحه توب

ولد اختي عمره 10 يدرس بمدرسه حكوميه يعني مب ذاك الزود بالانجيليزي بس من كثر ما ييلس على لعبته المفصله الي هي قن بوند صارت طباعه سريعه و يوم يرمس مع ربعه في اللعبه كله بالانجيليزي