ف خآطري أوصل للوزن المثآلي و الجسم اللي يزيدني حلآة

السلام عليكم ورحمة الله
مثل مآ يقولون الكتآب ينقرأ من عنوآنه
و أنا وحده من آلآف البنات اللي يتمنون يوصلون للوزن المثالي و الرشآقة بمعناهآ الصحيح
حبيت أسوي رجيم من يوم الأحد 14-10-2016
وهدفي إن شآءالله مآ بين 2-3 كيلو أسبوعيآ بإذن الله
طرحت هالموضوع لو حد من البنات حاب يدخل وياي بس بشرط الالتزام يزآكم الله خير
كل واحد و له ظروفه بس ان شاءالله الله يسهل امورنآ و نقدر نكمل على خير يآرب
ما بجبر حد على رجيم معين .. ولا على نظام محدد .. كل وحدة واللي يناسب جسمها و طبيعتها …
بس فيه أشياء لازم نآخذهآ بعين الإعتبار عشان يكون نظامنا صحيح ..
من هاي الاشياء :
1- شرب الماي بكثرة ( أنا عني صرآحة تعودت أشرب 2 لتر يوميا ) مع اني ما كنت احب اشرب الماي وايد
2- شرب الشاي الأخضر بدون سكر على الأقل مرتين في اليوم
3- منع المشروبات الغازية .. و اذا حبيتي تشربين منها يوم الجمعه او السبت اوكي .. يعني انها تكون مرة فالاسبوع بس لين تتعودين تتركينها لفترات أطول …
4- الابتعاد عن الككاوات و الشبسات .. و خليهم مثل المشروبات الغازية مرة في الاسبوع .. و لو ما تقدرين اخذيلج الحبات الصغار( الميني ) و اكلي منها حبة في اليوم لو كنتي ما تقدرين تودرين الككاوات بسهولة …
5- الرياضة ثم الرياضة ثم الرياضة .. على الاقل لو تمشين في الحوش نص ساعه يوميا … و عندج رياضة نط الحبل وايد مفيدة لانقاص الوزن ..
6- اللي حاية تسوي اي تمارين ثانيه للبطن او الارداف او الايد او الصدر تفتح اي موقع في النت ماشاءالله موجودين بكثرة و تطبقها يوميا …( انا عني حابة انقص بالوزن اول عقب بسوي هاي التمارين احس جيه يناسبني أكثر )
7- قد ما تقدرين خففي العشا و خليه يكون من وقت .. قبل نومج بـ ساعتين او ثلاث أفضل …
8- اذا حسيتي باليوع اكلي فواكه او خياره او خذي لج زبادي قليل الدسم …
هاي الاشياء اللي فبالي الحين لو تذكرت شي بطرحه …
حابة هالتجمع ينحصر على 5 بنات فقط …
و اللي بتسجل تعطيني الطول و الوزن و الهدف ( كم تبين توصلين )
ان شاءالله نقدر نوصل للوزن المثالي و نحقق هدفنا بالعزيمة و الاصرار و التشجيع …
اتمنى نكون جروب هادف و يحقق طموحاته …
و أي وحده عندها ظروف خارج عن ارادتها تقدر تنسحب ( حمل ، مرض ، ظروف خاصة لا سمح الله )
كل واحد و ظروفة .. بس ان شاءالله بنقدر نحقق أملنآ يآرب …

ببدأ أنا
طولي : 163
وزني :80.5
الهدف الاول : 70 ان شاءالله
الهدف الأخير : 60 ان شاءالله
و كل وحدة لو تحط شريط الوزن في توقيعها يكون أفضل
اترياكم حبيباتي

انتى متزوجه ام بنت؟

أنا بكون أول وحدة اذا ما عندك مانع
طولي 167 ووزني 101
هدفي النهائي 70

انا انا بشترك رقم 2
طولي 174 ووزني 78.5
الهدف الاول 72 ان شاء الله
الهدف الثاني68 ان شاء الله

اانا من سنه اشتركت في قروب ونزلت 10 كيلو م والحمد الله ما رجعو انشاء الله في شهرين بنزل 10 كيلو اهم شي بنات لا تستعجلون لان الوزن لي ينزل بسرعه يرجع بسرعه واهم شي الرياضه ساعتين في اليوم ساعه مشي وساعه ايروبكس

حياج الله حبيبتي ..
ان شاءالله الله يقدرنا و نوصل للوزن اللي نباه ..

مرحبابج اختي ..
الله يوفقنا ان شاءالله