قالت الله لايوفق هلي

السلام عليكن ورحمه الله وبركاته
صباحكن خير ان كان صبح ومسائكن خير ان كان مساء
شحالكن خواتي عساكن بخير وعافيه

يوم الجمعه بتاريخ 27-2-2017وعلى صلاه المغرب كانت خطبه ربيعتي وطبعا حضروا اهل الريال كلهم واهل البنيه كلهم وتشاور وقالوا الازم الولد يشوف البنيه عشان ان كانا موافقين او لا وطبعا شافوا بعض والاقنين قالوا موافقين وتفقوا ع المهر وكل شي ومتى الملجه وطبعا بدوري بستانس لربيعتي وبتمنى لها الخير راحوا اهل المعرس بيتهم وهم مطمنين واهل البنيه تم يرمسوا عن نسايبهم المستقبليين وكالعاده سوالف الحريم ماتخلص الا يرمسن عن العرس بس فجاه اخت العروس الكبيره تكلمت وقالت صح نحن اتفقنا ع كل شي بس مافكرنا بعد كم سنه شو راح يصير الكل استغرب شو السالفه قالت الريال وماعليه رمسه ادب واخلاق بس فيه شي مانقدر نغض البصر عنه اول شي قالت اختي وين بتسكن ؟ وعقب قالت كيف نقدر نشوفها؟وعقب قالت الريال اسمر ونحن بييض؟واذا الريال عقب كم سنه تفنش وين بيعيش اختي ؟ احينه هالاسئله ماقدرت تقولها حق الناس يوم دشوا عليهم البيت ولما راحوا قالت جيه لييييييييييييييش

للعلم هم يعرفون انه الريال مكان شغله بدوله ثانيه وهله بدوله ثانيه وعندهم بيت بدوله ثانيه يعني الريال صار شبه غير مستقر قلنا اوكي حاليا هو يشتغل به الدوله (دوله خليجيه طبعا) وبياخذ حرمته وياه وبيسكنها بيت عمه به الدوله بس لين متى يعني الحرمه يبالها بيت بروحها وباجر عندها عيال ومصيره يتفنش من دوامه لانه يخدم دوله غير دولته وعقب بيظطر يرجع بيت ابوه الي بالدوله الثانيه اوكي بيعيش عند اتبوه بس مايقدر يزيد باليت ومدخولهم الشهري لاباس بس بعد البنيه باجر عندها عيال وبتكبر عايلتها وين بيوديها يعني البيت الثالث الي بالدوله الثالثه ماينفع لانه بيت ورثه من يده يعني يتريا نصيب ابوه عشان هو يسكن فيه ولين احينه مانجسم الحلال بس هو يقول عنده ارض اوكي عنده ارض بس يبالها بنيان وكم بطول وهو ماعنده حق البنيان وقال عشان العرس اتريوني سنه لين ارتب حالي كل ها ويبا البنيه بس سبحان الله للمره الثالثه احينه يخطب ومايتوفق يعني اهل ربيعتي مب موافقين للاسباب هذي احينه ربيعتي صار لها من يوم السبت الصبح لين اليوم ماتاكل شي مضايجه وزعلانه وكله اطرشلي مسج تقولي ريموه والله انا اريده فهد اريده اوكي انا شو اسوي ماقدر ادخل به المشكله الي اقدر اسويه لها اني اواسيها واهديها بس بصراحه انصدمت منها لما شفتها مطرشه لي مسج كاتبه فيه((ريم ماشي نصيب للاسف تعبت اقنع هلي وهم رافضين يعلهم يربي مايتوفقون من اهل))
يصراحه انربط لساني ماعرفت شو اقول غير الله يهديها طنشتها ومارديت عليها بس يلست افكر في بنيه تقول جيه عسبت ريال لاتعرفه لامن بعيد ولامن جريب وشافته بس دقايق واهلها يبون مصلحتها جيه تدعي عليهم انه الله مايوفقهم لييييييييش انزين الريال بداله الف ريال وهي بعدها صغيره بنت 22 سنه

ماقول غير الله يهديها وخواتي كل وحده تدخل تدعيلها بالهدايه

أولا :حرام تدعي على أهلها الي ربوها واتحملوها كل هالسنين
ثانيا: يمكن خير الها ما تاخذ هذا الريال واختها عندها حق في كل كلمة قالتها
ثالثا: ما صلت استخارة خليها اتصلي كم مرة واذا خير الها بيرجعون وبياخذها

هي بالاول قالت بتصلي لاستخاره عقب قالت حتى لو صليت هلي بيتمون رافضينه

مهما كان المفروض ما تدعي ع اهلها عشان ريال
الام والاب ما يتعوضون بس الريال يتعوض
الله يهديها
وييسر لها امورها

اميييييييييييييييييين

دام اهلها نصحوها و ما عيبتها النصيحه …

بعيبها كلامنا لو نصحناها …

ولا تبانا نوقف في صفها حتى لو غلط ؟؟