للزين قالوا من قديم علامات ** عين ومبسم والجسم والرشاقه
لكن كسر هالقاعده هالمتينات ** من واقع ماهو كلام وبلاغه
اللي محليهن ولو هن ثقيلات ** دايم خفاف الدم وفيهن لباقه
الله ياهن ياجماعه لطيفات ** وعن الكلام الحلو فيهن طلاقه
ماهو ضروري بالرشاقه رشيقات ** وزود الوزن ماهو بيعني إعاقه
صحيح بعض اللبس يعني إهانات ** الوزن بالضيق عديم العلاقه
بس مو ضروري يلبسن استرتشات ** يازينهن واللبس وااااسع نطاقه
لابارك الله فيك يالضيق بالذات ** ترى السعه مرات تعطي أناقه
قالوا الرجيم اليوم هم البنيات ** قلت الرجيم أدري يبيله فراغه
وقالوا الرياضه قلت ماهن مريضات ** للسكري لا مامعهن بطاقه
قابلهن الله بلا رجيم ورياضات ** بهديلهن مني من الورد باقه
هن دفء هذا المجتمع هن رقيقات ** هن ملح هن سكر لذيذ مذاقه
هن لا سألتوني عن الحب بسكات ** بأقول فيهن عن الحب طاقه
ماهو كلام اللي كتبته واشاعات** انا ربطتني مع متينه علاقه
شرايكن بالقصيده يا دبدوبات خخخخخخخخخ
لازم اعطيكم واعطي نفسي ارادة وعزيمه عشان نضعف اولا
وثانيا المتن مب عيب ولا هو بمرض مثل مايقولون البعض
وثالثا انا من هذا الموضوع بيبدأ تغيير كبير فـ حياتي و ان شاء الله بتوقفون ويايه وبتساعدوني
انا بسوي رجيم مدته 3 شهور وابا انزل 25 كيلوو
واللي حآبه تسوي وياي هالرجيم مرحبا بها وبتنافس وياها . . .
الهدف الأول = 90
الهدف الثاني = 75
الهدف الثالث =65
وادعوا لي بنآت دخيلكم أني استمر عليــه واني أنزل الوزن المطلووب .gif "12 (63)")
ومثل ماقلت اللي حابه تتنافس وياي تخبرني عشان اعطيها جدول اول اسبوع . . .
واللي يدشن ومايردن عالاقل رفعوا الموضوع بدعوه حلوه ^^
