قالولي لازم ينزل ونسويلج تنظيف

هلا خواتي

اول بادي اباكن تدعن لي بطولة البال والصبر لان نفسيتي تعبانه ع الاخير

هذا أول حمل لي وحملت بعد علاج ومنشطات لان بويضاتيي صغار وفرحت فرحة ما تتوقعونها

لكني مصدومة من ريلي عادي عنده مب فرحان هاك الزود

المهم ما علينا اول ما غابت عني الدورة لما سويت فحص هرمون كان 100 وبعد اسبوع وصل 1600 وشي يعني كل شي اوكي

عطتني الدكتورة موعد عشان النبض ويوم سرت ما جافت الاكيس صغير تقوله بعده الحمل امكن صار متاخر او شي

وعقبها اسبوعين اللي هو امس رحتلها وهو الكيس مكانه ما كبر وتخيلو سويت فحص هرمون الحمل واصل 733 يعني قاعد ينزل وقالت لي للاسف ما بيستمر الحمل ووقفي المثبت وانتظري اسبوع يا ينزل بروحه او نسويلج تنظيف والاغلب تنظيف لانج بكر والحمل صغير

بنات حسب الحساب انا الحين المفروض بالاسبوع السابع و 5 ايام

شو رايكم انتظر وتوه الناس ع النبض ولا شسوي والله محتارة محد حاس فيني امي تهازبني من صوب وريلي كنه عادي عنده

حبيبتي والله
اخاف اقولج اصبري ولا سمح الله يصير لج شي
احسن شي اذا انج شاكه بدكتورتج شوفي دكتوره ثانيه واذا قالت نفس كلام دكتورتج سوي لي يقولون لج عليه
والله يرزقج ويرزقنا بحمل سليم معافى

هرمون الحمل من ينزل خلاص البيبي بيطيح هذا اللي اعرفه
حبيبتي اذكري ربج بترتاحين ويمكن ريلج متأثر بس ما يبي يبين لج عشان ما تنهارين اكثر
اعرف احساسج مريت فيه حبوبه الله يكون في العون

اختي اصبري لا تسيرين لا مستشفى ولا خرابيط وداري ع عمرج اذا ربج كاتب ان هالحمل يستمر ترى واذا لا بينزل بروحه وربي يكون بعونج

انا بنت عمي كانت جي والله ما سارت المستشفى لين 7 وكان حملها اوك وطبيعي الحمدلله ربي يرزقج الذريه الصالحه وتقر عينج بشوفة ضناج

وبالنسبه للموضوع استري لا تخبرين حد لا اهلج ولا اهل ريلج لين يكبر بطنج وبروحهم يشوفونه

نصيحتي لج سيري عن كذا وحده لان ما تعرفين يمكن الحل على ايد دكتورة ثانية قومي لا تيلسين ولا تتكاسلين الحين سيري اجرب عياده خاصة وشيكي سيري عند دكتورة معروفه وربي يفرح قلبج ويعوض صبرج خير

ان شاء الله ماعليج شر .. والله يعينج ياقلبي

…..الله المستعان

حبوبه

روحي لاكثر من دكتوره

وان شاء الله يثبت حملج يارب