قانون السن الجديد لرياض الاطفال والصف الاول

بيبدأ خلال ايام فتح باب التسجيل لرياض الاطفال الصف الاول مع تعديل السن بيكون اربع سنوات للروضه الاولى وخمس للروضه الثانيه وست للصف الاول ويشمل هالقرار المدارس الخاصه والحكوميه ….شو رايكم ب هالقانون وهل تتوقعون بيصير استثناءات للي عندهم واسطات
وفي رايكم هل فعلا ست سنوات او اكثر لان مواليد الشهور الاولى من السنه بيكونون ست ونص او اكثر هو فعلا افضل للطالب ومن مصلحته يدخل المدرسه وهو في هالسن؟؟؟؟؟؟؟؟؟؟؟؟؟؟

ندمانه اني دخلت بنتي ثلاث سنين ونص كانت العام روضه اولي لنه فلا لما ينتقل الطالب للمراحل الاكبر يكون التركيز عنده ضئيل ياختي
وسمعت الحوار ولكن ما كملته اليوم بالاذاعه
وبنتي السنه اليايه بتكون ناقص من الاربع كم شهر اتوقع مارح تنقبل
ونعمممم اتوقع الواسطه بتعمل دور

اعتقد القرار لازم يستثني اللي ناقصين كم شهر وعندهم قدره على الاستيعاب حرام يضيعون سنه كامله ف البيت بين التلفزيون والايباد وحتى لو الام بتعلم الولد ما بيكون مثل الدوام الرسمي للطفل اللي يعلمه الانضباط ومب كل حد قادر يدخل عياله حضانه او بري كيجي الدول الثانيه قررت اتنزل سن القبول وعندنا رفعوه الله المستعان

ليش ينزلونه وفي وين ?
من حيث القبول فالمجلس يعرف اسباب هالقرار اكثر مني ومنج
ضحيح ان بنتي بتكون اقل من اربع سنين بس يمكن يتعدل القرار
الي لاحظته ان في امهات مو مهم طفلها يفهم ولا مايفهم تبي اتخلص نفسها من عيالها وتعقهم بالمدرسه

غلط

لن الي شفته ان بعض اليهال مايعرفون للاستخدام الحمام ويحتاجون مساعدات خارجيه
وغير ان بعضهم حراااام يدشون صغار حيل والله مثل بنتي لما دشت ثلاث ونص
كلنت ماتفهم شو المطلوب منها لن العام المقرر من رياض الاطفال كان مختلف عن هالسنة

وبنفس الوقت انا معاش الام مارح توصل المعلومه للطفل كثر المدرسه
بس هالسنه اعتماد شبه كلي عالام مو مثل العام
والله يعيني بنتي السنه اليايه صف اول ويقولون المنهاج بيتغير

السنه اللي طلع فيها قرار دخول الطالب الروضه الاولى بعمر ثلاث سنوات كان عمر بنتي ناقص عن الثلاث شهر ويوم تخيلوا سرت الوزاره عشان اييب لها استثناء رفضوا ان يستثنونها بسبة يوم واحد استثنوا الشهر وتم اليوم الواحد حاولنا وياهم ابد ماردوا علينا ورفضوا ان يستثنونها
خبرونا ان الاستثناء بس لين شهر واقل يحليلها بنتي تخبلت كان بينها وبين بنت عمها اسبوعين في العمر هي تمت يالسه في البيت وبنت عمها قبلوها اللحين بنتي بالصف العاشر ولين يومها وهي حاطه بخاطرها ان انحرمت من فرحتها بدخول الروضه ويا بنت عمها

اللي قصدته ان الاطفال يختلفون يعني المجلس مب افهم مت الام بقدرات عيالها والام هي تقرر متى يدخل ولدها الروضه ما يصير الموضوع اجباري انزين اذا بيغيرون مناهج الوزاره حابين يعدلون في سن القبول هذا من حقهم بس ليش يجبرون اولياء الامور حتى اللي بيدخل ولده مدرسه خاصه صارلها سنين تستقبل الطلاب من عمر ثلاث سنوات وتجبره ينتظر سنه كامله عشان يدخل ولده يعني مثل ما قالت الاخت يتعسفون وياثرون على نفسيه الطالب طول مراحله الدراسيه عشان يوم واحد هذا ظلم وهم مب حاسين بالطالب ولا ب ولي امر طالب يشوف عياله يالسين يحفظون ف هالاغاني بدال ما يتعلمون شي يفيدهم
الله المستعان الله ينور قلوب عيالنا ويشرح صدرهم ويكتب لهم اللي فيه الخير