قانون الهدايا!!!!!!!!!!!!

السلام عليكم خواتي
اليوم حبيت نتكلم عن موضوع الهدايا
انا وحده غشيمه ماتعرف تهدي وشو نوع الهديه المناسبه
وشو الميزانيه اللي نحطها
وكيف اختيار الهديه المناسبه للاهل والاقارب والجيران
يعني كل واحد وكيف نهديه ؟
فهمتو علي ؟
مثال
سلفتي ربت وجابت بنت
كيف اهديها ؟

سوال احنا نهدي الناس لمكانتهم عندنا؟ او نهديهم لوضعنا نحن وظروفنا ؟؟؟؟؟
اترياااااااكم خواتي ,,,,,,,,,

حبي كل وحده وضروفها يعني اكيد لو عندي بيزات وايد ما بقصر بس دام ان مصروفي ما يساعد اهدي باللي اقدر عليه ام ريلي مثلا بالعيد اخور لها ثوب مع دهن عود وبخور وخاتم ذهب وممكن تكتفين بالذهب بس ومرات اعطيها 500درهم فديتها وحميتي اذا ربت اشتريلها بجامه او قميص نوم او بخوراختاري منهم حسب ضروفج وطرشيها مع ملابس للبيبي وحده من الاهل ربت ممكن تكتفين بس وتعطينها 100 درهم للبيبي ريلج ممكن تشترين له موبايل او عطر اودهن عود او كاميرا اوموبايل اوتفصلين له كنادير وتشترين غتر او اذا انتي غنيه سياره وممكن باقه ورد مع سويت مثل باتشي مع باقه ورد اوممكن ساعه ولا نعال او بجامه او مبلغ حلو اتحطينه بضرب او تعزمينه ع العشا او على فندق او تشترين نضاره او قلم او بزم او عقال او فوانيل ووزره ما خليت شي ما قلته خخخخ اختاري منهم اي شي قد الميزانيه ومب شرط كثره الهدايا اهم شي اتونسن الناس حتلى لو بشي واحد ونحن نهدي لضروفناووضعنا الغاليه شو الفايده اتخقق وبروحي لعمري ما اقدر اشتري شي وبيزاتي كلها ع الهدايا

اذا وحدة مربية اعطيها
200 درهم و ثياب حق البيبي و اغراض
او
بس 300 اغلفهم بطريقة حلوة

واذا وحدة متخرجة اعطيها ساعة ماركة او طقم عطورات مع بجامات

حق ريلي على حسب المناسبة
اذا بدون مناسبة باقة ورد مع شوكلت
او عطورات
واذا بمناسبة اعزمه على مطعم
والهدايا ما احب اعطيه الا ماركات مثلا ميدالية ساعة بوك

مشكورات خواتي
بعد نبي مشاركات اكثر

اختي حسب ميزانيج اهدي

انزين
ساعات نهدي اقارب لنا وحالتهم زينه ويردونا بشئ يدوب يسوئ
معرف ليش ؟
وساعات تطنيش ولا يهدوك تقولين عيب اروح ايدي فاضيه ,
شو الحل
صراحه تعبت ,,,,,,,,,,