فتحت هالموضوع لاني لاحظت ان كل وحده بادية حياتها الزوجيه
تفكر بالعرس والفستان والضيوف وبعدين ! ليش ما تفكرون بالاهم
وهي الحياة الزوجيه اللي بعد العرس
وايد بنات يعرفون باخر موضه ومب عارفين احكام دينها والفتاوي
فبختصر الكلام لاني ادري تحبون الاختصار وبقول اهم استعداد لزواج يكون بتثقيف الزوجين ( الحرمه و الريال )
اولا : دينيا ومعرفة الحلال والحرام
ثانيا : اجتماعيا ومعرفة كيف تبني جسور بينهم وبين اهلها واهل الزوج
ثالثا : نفسيا وكيف تفهم شخصيه الذكر وهو يفهم شخصيه الانثى والتعامل معها
وبثقافتها بتتجنب الكثير من المشاكل لانها بتكون عندها خلفيه عنها
اقروا كتب ماترومون شوفو برامج دينيه او برامج عن الزواج
اللي حابه تضيف اي نقطه حياها واللي تبي تهاجم حياها مستعده 
ولاااااااااااازم البنات يعرفون ان السالفة مسؤولية
ومسؤولية كبيره جداااااا
انتي بتتحملين مسؤولية ريلج واهله واهلج وعيال يايين بالدرب
للاسف وايد بنات يطلقون لاسباب تاااااااااااااااافهه
وبعطيج امثله
وحده عندنا تطلقت لانها تتوقع حياتها قبل العرس بتكون نفسها
سهرات لين تالي الليل وفيسبوك وتويتر وبلاكبيري
ويوم ريلها يقوللها ابيج تلبسين عباه مسكره تقوله انت معقد!!!!!
وبعد اعرف اعرف وحده يالسه ببيت اهلها شهور والسبب!!
تقول امها لام الريال ولدكم مو رومنسي ونريده بكل مناسبه يقدم لبنتنا هديه!!!!!!!!!!!
وبعد هالسالفة مستويه ان الحرمة طالبه الطلاق
توقعوا ليش؟؟!!
لانها تريد مصروف شهري قدره 5000 درهم
وين المسؤولية؟؟؟!!
الاهل وين عن بناتهم؟؟؟!!!
معقوله الحرمة تبيع ريلها وبيتها واستقرارها بسبة طلعات وهدايا وبيزات؟؟؟؟!!!
الله يهدي بناتنا
والصبر على الريال وطباعه باول الزواج هي المفتاح لزواج سعيد واستقرار طويل
والله يهني كل زوجين بحياتهم
درر درر كلامج كالعادة بس عاد ابصراحة ما ابي ريلي يفهم شخصيتي ابي اكون لغز يصعب حله خخخخخ 
بس حبيت اقولج مثال
انا وزوجي رحنا دوره بعد شهر من زواجنا
وتكلم فيها المحاضر عن طبع الريال وطبع الحرمه وهالكلام وايد اثر فينا وصرنا نفهم بعض اكثر
طبعا عرفنا من خلالها كيفيه التعامل مع الطرفين
وها مب معناته ان شخصيتنا مب غامضه 
بس نعرف شو يحب كيف تكون محاورته واكيد انها تختلف من محاورة الاخ والاب والصديقه
بعطيكم مثال : المحاضر قال ان نسبة كلام الحرمه اضعاف اضعاف الريال فلازم يعرف طبيعة هالحرمه ويسمعها وما اعتقد ان هالشي بخليها مكشوفه ومب غامضه
والريال ما يحب الكلام الزايد فاحسن شي الحرمه تختصر كلامها وتعطيه المفيد
اتمنى اني وصلت كلامي بصورة صح
